قىتاي ازاماتتارىنىڭ قازاقستاندا 72 ساعاتتىق ۆيزاسىز بولۋ مەرزىمى 1- شىلدەگە دەيىن توقتاتىلدى

None
None
نۇر-سۇلتان. قازاقپارات - قىتاي ازاماتتارىنىڭ قازاقستان اۋماعىندا 72 ساعاتتىق ۆيزاسىز بولۋ مەرزىمى 2020-جىلدىڭ 1 - شىلدەسىنە دەيىن توقتاتىلدى.

ق ر ۇكىمەتى بۇگىن رەسمي سايتىندا وسى ماسەلەگە قاتىستى ارنايى قاۋلىنى جاريالادى، دەپ حابارلايدى قازاقپارات.

قازاقستان رەسپۋبليكاسى ۇكىمەتىنىڭ 2012-جىلعى 21- قاڭتارداعى 148№ قاۋلىسىمەن بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ، سونداي- اق ولاردىڭ قازاقستان رەسپۋبليكاسىنان كەتۋىنىڭ قاعيدالارىنىڭ 26-1-تارماعىنىڭ قولدانىلۋىن توقتاتا تۇرۋ تۋرالى.

«قۇقىقتىق اكتىلەر تۋرالى» 2016-جىلعى 6- ساۋىردەگى قازاقستان رەسپۋبليكاسىنىڭ زاڭى 46-بابىنىڭ 1-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. نۇر-سۇلتان، الماتى، شىمكەنت، اقتاۋ، قاراعاندى جانە تاراز قالالارىنىڭ حالىقارالىق اۋەجايلارى ارقىلى ترانزيتپەن وتەتىن قىتاي حالىق رەسپۋبليكاسىنىڭ ازاماتتارى ءۇشىن قازاقستان رەسپۋبليكاسىنا كەلۋدىڭ، بولۋدىڭ جانە ودان كەتۋدىڭ جەتپىس ەكى ساعاتتىق ۆيزاسىز رەجيمىنىڭ قولدانىلۋى بولىگىندە قازاقستان رەسپۋبليكاسى ۇكىمەتىنىڭ 2012-جىلعى 21- قاڭتارداعى 148№ قاۋلىسىمەن (قازاقستان رەسپۋبليكاسىنىڭ پ ءۇ ا ج- ى، 2012 ج. , 29№, 388-قۇجات) بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ، سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىنىڭ 26-1-تارماعىنىڭ قولدانىلۋى 2020-جىلعى 1- شىلدەگە دەيىن توقتاتىلا تۇرسىن.

2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋى ءتيىس.

قازاقستان رەسپۋبليكاسىنىڭ

پرەمەر- ءمينيسترى ا. مامين

سوڭعى جاڭالىقتار