اتىراۋ وبلىسىندا 71 ادامنان كوروناۆيرۋس انىقتالدى

اتىراۋ. قازاقپارات - «قىزىل» ايماققا قايتا ورالعان اتىراۋ وبلىسىندا ءبىر تاۋلىكتە 71 ادامنان كوروناۆيرۋس انىقتالدى، دەپ حابارلايدى قازاقپارات.

اتىراۋ وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى تاراتقان مالىمەتكە سۇيەنسەك، قاۋىپتى ىندەتكە اتىراۋ قالاسىنان 15 ادام شالدىققان.

ال تەڭىز كەنىشىندە 46 جۇمىسشىدان، جىلىوي اۋدانىندا - 3، قۇرمانعازى اۋدانىندا 7 ادام كوروناۆيرۋس جۇقتىرعان. Covid-19 ينفەكتسياسىنىڭ سيمپتومدى ءتۇرى 8 ناۋقاستان تابىلعان.

«سوڭعى مالىمەتكە سايكەس، وتكەن تاۋلىكتە كوروناۆيرۋس ينفەكتسياسىنان 66 ادام ەمدەلىپ شىقتى. قازىر ءۇي جاعدايىندا ەمدەلىپ جاتقان 310 ناۋقاس بار. وبلىستىق ينفەكتسيالىق ستاتسيوناردا 102، اۋداندارداعى ستاتسيونارلاردا 39، تەڭىز كەنىشىندەگى ستاتسيوناردا 718 ادام ەم قابىلداپ جاتىر»، - دەپ حابارلادى باسقارمانىڭ باسپا ءسوز قىزمەتى.