سولتۇستىك قازاقستاندا باسقا وڭىرلەردەن قونىس اۋداراتىندارعا 714 باسپانا سالىنادى
ونىڭ 714 ءى باسقا وڭىرلەردەن قونىس اۋدارۋشىلارعا ارنالعان، دەپ حابارلايدى قازاقپارات ءتىلشىسى.
س ق و اكىمدىگىنىڭ وتكەن جىلدى قورىتىندىلاعان وتىرىسىندا ءوڭىر باسشىسى قۇمار اقساقالوۆ بيىل دا تۇرعىن ءۇي قۇرىلىسىنىڭ باسەڭدەمەيتىنىن ايتتى.
2020-جىلى جوسپارلانعان 306 مىڭ شارشى مەتر باسپانا تۇرعىزىلىپ، 3300 دەن استام پاتەر پايدالانۋعا بەرىلدى. 12 مىڭنان استام سولتۇستىك قازاقستاندىق تۇرعىن ءۇي جاعدايىن جاقسارتۋعا مۇمكىندىك الدى.
«بيىل باسپانا سالۋعا بيۋجەتتەن 15,6 ميلليارد تەڭگە بولەمىز. جوسپار بويىنشا 340 مىڭ شارشى مەتر تۇرعىن ءۇي تۇرعىزامىز. بۇل 3700 دەن استام پاتەر. 2018-جىلى پايدالانۋعا بەرىلگەن باسپانادان 1,8 ەسە ارتىق. ءبىز الدىمىزعا جىل سايىن 3 مىڭنان كەم ەمەس پاتەر سالۋ مندەتىن قويعان ەدىك. بىلتىر كوزدەگەن ماقساتىمىزعا جەتتىك. باسپانا ەلدى مەكەندەردە دە تۇرعىزىلدى. وسىلايشا 2020-جىلى بيۋجەت ەسەبىنەن 609 ءۇي بوي كوتەردى. بيىل وزگە وڭىرلەردەن كەلەتىن 2535 ازاماتقا 714 ءۇيدى سالىپ بەرەمىز. وسىلايشا اۋىلدارداعى كادر جەتىسپەۋشىلىگى ماسەلەسىن بىرتىندەپ شەشەمىز»، - دەدى قۇمار اقساقالوۆ.