شىلدەدەن باستاپ ەڭ ارزان تەمەكى 710 تەڭگە بولادى

استانا. قازاقپارات - قارجى ءمينيسترى ەرۇلان جاماۋبايەۆ «بولشەك ساۋداداعى تەمەكىنىڭ شەكتى باعاسىن بەلگىلەۋ تۋرالى» بۇيرىققا قول قويدى، دەپ حابارلايدى قازاقپارات ءتىلشىسى.

«20 فيلترلى، فيلترسىز سيگارەتكە، پاپيروستارعا، سيگاريللالارعا جانە قىزدىرىلاتىن تەمەكىسى بار بۇيىمدارعا:

- 2023 -جىلعى 1- شىلدەدەن باستاپ 2023 -جىلعى 31- جەلتوقساندى قوسا العانعا دەيىن 710 تەڭگە؛

- 2024 -جىلعى 1- قاڭتاردان باستاپ 770 تەڭگە مولشەرىندە ەڭ تومەنگى بولشەك ساۋدا باعالارى بەلگىلەنسىن»، - دەپ جازىلعان پرەمەر- ءمينيستردىڭ ورىنباسارى - قارجى ءمينيسترى ەرۇلان جاماۋبايەۆ قول قويعان قۇجاتتا.

ايتا كەتەيىك، قازىر تەمەكىنىڭ بولشەك ساۋداداعى ەڭ تومەنگى قۇنى - 650 تەڭگە. ال، كەلەر ايدان باستاپ بۇل سوما 60 تەڭگەگە قىمباتتايدى.

ۆەدومستۆونىڭ تۇسىندىرمەسىنە ساي، تەمەكى ونىمدەرىنىڭ بولشەك ساۋداداعى شەكتى باعاسىنىڭ وسۋىنە مىنالار سەبەپ:

- 2023-2024 -جىلدارى اكسيز مولشەرلەمەسى %14 عا كوتەرىلدى؛

- يمپورتتالاتىن شيكىزات پەن ماتەريالداردىڭ قۇنى ورتا ەسەپپەن %20 عا ءوستى؛

- تەمەكى ونىمدەرىنىڭ شيكىزاتى مەن كومپونەنتتەرىنىڭ لوگيستيكاسى ەداۋىر كۇردەلەندى؛

- 2022 -جىلى ينفلياتسيا %20,3 قۇرادى.

ءتيىستى بۇيرىق 1- شىلدەدەن باستاپ قولدانىسقا ەنگىزىلەدى.