19:57, 24 - قازان 2021 | GMT +6
وزبەكستانداعى سايلاۋ: 71,8 پروتسەنت سايلاۋشى داۋىس بەردى
تاشكەنت. قازاقپارات - وزبەكستاندا ساعات 17:00 دەگى جاعداي بويىنشا پرەزيدەنت سايلاۋىندا 70 پروتسەنتتەن استام داۋىس بەرۋشى ءوز تاڭداۋىن جاسادى، دەپ حابارلايدى قازاقپارات ءتىلشىسى.
و س ك مالىمەتىنە ساي، 17:00 دەگى جاعداي بويىنشا (تاشكەنت ۋاقىتىمەن) وزبەكستان پرەزيدەنتىن سايلاۋدا 14258780 ادام داۋىس بەردى.
جالپى داۋىس بەرۋشى كونتينگەنت 19859127 ادام دەسەك، بۇل سونىڭ %71,8 ءى.
ەسكە سالا كەتەيىك، بۇگىن وزبەكستاندا پرەزيدەنت سايلاۋى ءوتىپ جاتىر. سايلاۋدا بەس ۇمىتكەر باق سىناۋدا.
ونىڭ ىشىندە قازىرگى پرەزيدەنت شاۆكات ميرزيەيەۆ بار. سايلاۋدا جەڭىسكە جەتۋ ءۇشىن كانديدات 50 پروتسەنتتەن كوپ داۋىس جيناۋى كەرەك.