الماتىلىق دارىگەرلەر جاسى 70 تەن اسقان قاريانىڭ اسقازانىنان قاتەرلى ىسىكتى الىپ تاستادى

None
الماتى. قازاقپارات - الماتىدا ورتالىق قالالىق كلينيكالىق اۋرۋحانانىڭ حيرۋرگتارى قاتەرلى ىسىككە قارسى حيرۋرگيالىق وپەراتسيا جاسادى، دەپ حابارلايدى قازاقپارات ءتىلشىسى.

الماتى قالالىق قوعامدىق دەنساۋلىق ساقتاۋ باسقارماسىنان حابارلاعانداي، ورتالىق قالالىق كلينيكالىق اۋرۋحاناعا 73 جاسار پاتسيەنت اسقازانىنان قان كەتۋمەن اۋىر كۇيدە تۇسكەن. بارلىق قاجەتتى تەكسەرىستەن سوڭ، ۇيقى بەزىندە وسكىن تۋىنداۋمەن اسقازاننىڭ قاتەرلى ىسىگى دياگنوزى قويىلدى. وسكىن مولشەرلى 6 س م بولدى.

وسىدان سوڭ PhD دوكتورى جاسۇلان بايماحانوۆپەن پاتسيەنتكە قاتەرلى ىسىكتى الىپ تاستاۋمەن كۇردەلى وپەراتسيا جاسالدى. وپەراتسيا بارىسىندا دارىگەر اسقازانىن، ۇيقى بەزىنىڭ دەنەسىن جانە قالدىقتارىن، قورشاعان جاسۋشالارى جانە ليمفوتۇيىندەرىمەن كوكباۋىردى الىپ تاستادى.

«قاتەرلى ىسىك اسقازاننىڭ ەپيتەليىنە زاقىم كەلتىرىپ، اسقازان جانە كورشىلەس اعزالاردىڭ تىندەرىنە وسە باستاعان. كوبىنەسە، ۇيقى بەزىنىڭ تىندەرىنە اسەر ەتكەن. وسىدان سوڭ ۇيقى بەزىنىڭ ديستالدى رەزەكسياسىن جۇرگىزۋ ارقىلى كەڭەيتىلگەن گاستروەكتوميا جاسالىپ، ساتسانيدي موديفيكاتسياسىنداعى رۋ ىلمەگىندەگى ەزوفاگو- ەيۋنواناستوموز سالىندى. بۇدان ءارى تاماقتىڭ قورىتۋ قىزمەتىن جاساۋ ءۇشىن وڭەش پەن اش ىشەكتى بىرىكتىردىك»، - دەدى جاسۇلان بايماحانوۆ.

حيرۋرگتىڭ ايتۋىنشا، بۇعان دەيىن اۋرۋحانادا مۇنداي وپەراتسيا جاسالماعان. وپەراتسياعا شامامەن 4 ساعات ۋاقىت كەتتى. 10 كۇننەن سوڭ پاتسيەنت امبۋلاتورلىق ەمدەلۋ ءۇشىن اۋرۋحانادان شىعارىلدى. وعان ەندى حيميوتەراپيا كۋرسىن ءوتۋ كەرەك.

ايتا كەتەيىك، وپەراتسيا مىندەتتى الەۋمەتتىك مەديتسينالىق ساقتاندىرۋ قاراجاتىنىڭ ەسەبىنەن جۇرگىزىلدى. سونىمەن قاتار، قازىرگى تاڭدا ەلىمىزدە ونكولوگيالىق اۋرۋشاڭدىقتار بويىنشا دياگنوستيكالاۋ، ەمدەۋ، سونداي- اق، دارىلىك زاتتار بەرۋ تەگىن مەديتسينالىق كەپىلدەنگەن كومەك كولەمى تاراپىندا قاراستىرىلادى. وسىلايشا، مەملەكەت الەۋمەتتىك ماڭىزدى اۋرۋشاڭدىقتى ەمدەۋ جاۋاپكەرشىلىگىن وزىنە العان.

سوڭعى جاڭالىقتار