+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قاراعاندىدا ءجۇرسىن ەرمانوۆتىڭ 70 جىلدىق مەرەيتويى اتاپ ءوتىلدى

25 قاراشا 10:01
:ءبولىسۋ
قاراعاندىدا ءجۇرسىن ەرمانوۆتىڭ 70 جىلدىق مەرەيتويى اتاپ ءوتىلدى

قاراعاندى. قازاقپارات - قاراعاندىداعى كەنشىلەر مادەنيەت سارايىندا قازاقستاننىڭ ەڭبەك سىڭىرگەن قايراتكەرى ءجۇرسىن ەرمانوۆتىڭ 70 جىلدىق مەرەيتويىنا ارنالعان مۋزىكالىق- ادەبي كەش ءوتتى.

بۇل تۋرالى قازاقپارات اكىمدىككە سىلتەمە جاساپ حابارلايدى. مەرەيتوي يەسىنە تانىمال مادەنيەت قايراتكەرلەرى جىلى لەبىزدەرىن ءبىلدىردى.

اقىن، پۋبليتسيست، ايتىسكەر ءجۇرسىن ەرمانوۆتىڭ قۇرمەتىنە ۇيىمداستىرىلعان شىعارماشىلىق كەش كەنشىلەر مادەنيەت سارايىندا تانىمال كومپوزيتورلاردى، ارتىستەردى، اقىندار مەن جازۋشىلاردى جينادى. مەرەيتوي يەسىن قۇتتىقتاۋعا التىنبەك قورازبايەۆ، ءاسانالى ءاشىموۆ، امانجول التايەۆ، سەرىك اقسۇڭقار ۇلى، عالىم جايلىباي جانە باسقا دا ونەر قايراتكەرلەرى كەلدى.

«بۇگىن ءبىز ءۇشىن عانا ەمەس، بۇكىل قازاق حالقى ءۇشىن ۇلكەن مەرەكە. ءجۇرسىن ەرمانوۆ - ۇلىتاۋ اۋدانىندا دۇنيەگە كەلگەن جانە ءوزىنىڭ شىعارمالارىمەن ەلدىڭ جۇرەگىن جاۋلاپ العان ءبىرتۋار اقىن. ول ايتىستى جانداندىرىپ، وسى فولكلورلىق ونەردىڭ دامۋىنا باعا جەتپەس ۇلەس قوستى. مەن ونى مەرەيتويىمەن شىن جۇرەكتەن قۇتتىقتايمىن جانە شىعارماشىلىق شابىت پەن ۇزاق ءومىر تىلەيمىن» - دەدى قازاقستاننىڭ ەڭبەك سىڭىرگەن قايراتكەرى، اقىن عالىم جايلىباي.

مۋزىكالىق- ادەبي كەش كورەرمەندەرى مەرەيتوي يەسىنىڭ ءومىرى مەن شىعارماشىلىعى تۋرالى دەرەكتى فيلمدى تاماشالاپ قانا قويماي، ءجۇرسىن ەرمانوۆتىڭ ولەڭدەرىنە جازىلعان اندەردىڭ جانتەبىرەنتەرلىك ورىندالۋىنان ءلاززات الدى. سونداي- اق، ۇلى سارىارقانىڭ تۇلعاسى تۋرالى باياندايتىن « ۇلىتاۋدان- الاتاۋعا» اتتى كىتاپتىڭ تۇساۋى كەسىلدى.

«ماعان كورسەتىلگەن قۇرمەت قاتتى اسەر ەتتى. وسى كۇندەرى مەنىمەن مەرەكەمدى بولىسكەندەردىڭ بارلىعىنا راحمەت. قاراعاندى وبلىسى سوڭعى جىلدارى ايتارلىقتاي وزگەردى. بارشا قازاقستاندىقتاردى ەل تاۋەلسىزدىگىنىڭ 30 جىلدىعىمەن قۇتتىقتايمىن، رەسپۋبليكامىزدىڭ ودان ءارى وركەندەپ، ودان ءارى دامي بەرۋىنە تىلەكتەسپىن»، - دەدى مەرەيتوي يەسى.

ءجۇرسىن ەرمانوۆتىڭ مەرەيتويىن مەرەكەلەۋ رەسپۋبليكالىق اقىندار ايتىسىمەن جالعاسادى. ول 25 -قاراشادا ساعات 11:00 دە كەنشىلەر مادەنيەت سارايىندا وتەدى. كىرۋ تەگىن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات