+7 (701) 759 90 19
USD 425.48 EUR 494.2
RUB 6.14 CNY 66.67
جاڭالىقتار

حالىققا قاجەت كومىردىڭ 70 پايىزدان استامى تەمىرجول تۇيىعىنا جەتكىزىلدى - مينيسترلىك

28 قىركۇيەك 19:31
:ءبولىسۋ
حالىققا قاجەت كومىردىڭ 70 پايىزدان استامى تەمىرجول تۇيىعىنا جەتكىزىلدى - مينيسترلىك

نۇر-سۇلتان. قازاقپارات - ورتالىق كوممۋنيكاتسيالار قىزمەتىندە وتكەن بريفينگىدە ق ر يندۋستريا جانە ينفراقۇرىلىمدىق دامۋ مينيسترلىگىنىڭ يندۋستريالىق دامۋ كوميتەتى قارا مەتاللۋرگيا باسقارماسىنىڭ باسشىسى جانات يگىسىنوۆ حالىققا قاجەت كومىردىڭ قانشا پايىزى تەمىرجول تۇيىقتارىنا جەتكىزىلگەنىن ايتتى، دەپ حابارلايدى قازاقپارات ءتىلشىسى.

«ارىپتەسىم ايتقانداي، وندىرىلەتىن كومىردىڭ 10 پايىزى بيرجاعا تۇسسە، قالعان 90 پايىزى ءوزارا كەلىسىمشارت بويىنشا ەنەرگەتيكا سالاسىنا، ءوندىرىس ورىندارىنا، كوممۋنالدىق-تۇرمىستىق قاجەتتىلىكتەرگە، حالىققا باعىتتالادى. ساندارعا سۇيەنسەك، اكىمدىكتەردىڭ بەرگەن اقپاراتى بويىنشا بيىلعى قاجەتتىلىك 9,2 ميلليون توننانى قۇرايدى. ونىڭ ىشىندە كوممۋنالدىق-تۇرمىستىق قاجەتتىلىككە 2,8 ميلليون توننا كومىر كەرەك. حالىققا ارنالعان كومىردىڭ مولشەرى - 6,4 ميلليون توننا»، - دەگەن مينيسترلىك وكىلى بۇل ساندار جەرگىلىكتى اكىمدىكتەردىڭ اقپاراتى نەگىزىندە الىنعانىن اتاپ ءوتتى.

«ءار وبلىس ءوز قاجەتتىلىگىن بەرىپ وتىردى. ءبىز سول بويىنشا جوسپار قۇردىق. حالىققا جونەلتىلگەن كومىردىڭ ورىندالۋى 71,2 پايىز بولىپ وتىر. ال كوممۋنالدىق-تۇرمىستىق قاجەتتىلىكە ارنالعان كومىردىڭ ورىندالۋى - 92,5 پايىز. اقمولا، شىعىس قازاقستان وبلىستارى مەن شىمكەنت قالاسى كوممۋنالدىق-تۇرمىستىق قاجەتتىلىككە ارنالعان كومىردىڭ مولشەرىن تولىق ورىندادى. ال اقمولا وبلىسى حالىققا قاجەت كومىردى تولىق ورىنداپ وتىر. باسقا وڭىرلەرگە كەلسەك، ولاردىڭ كورسەتكىشتەرى 70 تەن 96 پايىزعا دەيىن. ءبىزدىڭ پايىمداۋىمىزشا، كەلەسى ايدىڭ ورتاسىنا قاراي جالپى قامتاماسىز ەتۋ 100 پايىزعا جەتەدى»، - دەدى جانات يگىسىنوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات