باتىس قازاقستاندا 70 تەن استام ادام قارجى پيراميداسىنا الدانىپ قالدى

None
None
ورال. قازاقپارات - باتىس قازاقستان وبلىسىندا 70 تەن استام ادامدى الداعان «SWEET MONEY» قارجى پيراميداسى ق ر ق ك 217-بابىنا سايكەس تەرگەلۋدە، دەپ حابارلايدى قازاقپارات ءتىلشىسى.

ب ق و بويىنشا ەكونوميكالىق تەرگەۋ دەپارتامەنتى ءمالىم ەتكەنىندەي، اتالعان قارجىلىق پيراميدانى ۇيىمداستىرۋشىلار «WhatsApp» مەسسەندجەرى ارقىلى قارجى تارتقان.

جوبا شارتىمەن كەلىسكەندەر «Kaspi Gold» بانك كارتاسىنا اقشا سالىپ، التى كۇننەن كەيىن سالىم سوماسىنىڭ 50-70 پايىزىن سىياقى ەسەبىندە الۋعا ءتيىس بولعان. قارجى پيراميداسىنىڭ قۇرىلىمىنا سايكەس قاراجات سالىمشىلارعا جاڭا قاتىسۋلار سالعان اقشا ەسەبىنەن بولىنەدى.

ادەتتە پيراميدا قۇرۋشى قوماقتى قاراجات جيناپ العاننان كەيىن تولەمدەردى توقتاتادى جانە بارلىق اقشامەن ءىز-ءتۇزسىز جوعالادى.

«الدانعاندار سالعان قارجى كولەمى ءار ءتۇرلى. كەيبىرەۋلەر 200 مىڭ تەڭگەسىنەن ايىرىلسا، بىرەۋلەر 5 مىڭ تەڭگە سالعان.

ەگەر «SWEET MONEY» زەرگەرلىك سالونىنىڭ وسىنداي ارەكەتتەرىنەن باسقا دا زيان شەككەندەر بولسا، دەپارتامەنتتىڭ 77112538427+ سەنىم تەلەفونىنا قوڭىراۋ شالعانى ءجون»، دەپ حابارلادى ۆەدومستۆودان.

سوڭعى جاڭالىقتار