بۋراباي ۇلتتىق پاركىنىڭ 70 گەكتار اۋماعى وتقا وراندى

كوكشەتاۋ. قازاقپارات- «بۋراباي» مەملەكەتتىك ۇلتتىق تابيعي پاركىنىڭ اۋماعىندا ورمان القابىندا قۋراعان ءشوپ ورتەندى، دەپ حابارلايدى قازاقپارات ءتىلشىسى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، ءورت قازاننىڭ 17 سىندە تۇتانىپ، قاتتى جەل ونىڭ ءورشىپ، ۇلكەن اۋماققا جايىلۋىنا سەبەپ بولعان. «ءتىلسىز جاۋدى اۋىزدىقتاۋعا «بۋراباي» مەملەكەتتىك ۇلتتىق تابيعي پاركىنىڭ جۇمىسشىلارى مەن اۋماقتىق ت ج د جەكە قۇرامىنان 107 قىزمەتكەر جانە 16 ارنايى ءورت ءسوندىرۋ تەحنيكاسى تتارتىلدى. سونداي-اق، «قازاقستان تەمىر جولى» ا ق ءبىر ءورت ءسوندىرۋ پويىزى جۇمىلدىرىلدى. ءورت 70 گەكتار اۋماقتى شارپىدى» دەدى ۆەدومستۆودان.

ايتا كەتەيىك، جالىن بۇگىن تاڭعى ساعات 05:40 كەزىندە اۋىزدىقتالدى. قازىرگى كەزدە «قازاۆياورمانكۇزەتى» مەملەكەتتىك مەكەمەسىنىڭ تىكۇشاعى ارقىلى ءورت بولعان اۋماققا اۋەدەن باقىلاۋ جۇرگىزىپ جاتىر.

اۆتور: اسلان وسپانوۆ