شىعىس قازاقستاندا ءۇش كۇندە 70 توننادان استام پىشەن ورتەندى

وسكەمەن. قازاقپارات - شىعىس قازاقستان وبلىسىندا 3 كۇن ىشىندە 6 ءورت وقيعاسى تىركەلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، اباي اۋدانىنداعى جەكە تۇرعىن ءۇيدىڭ اۋلاسىندا 7,5 توننا، كاتونقاراعايدا 12 توننا، جارمادا 1,5 توننا، زايساندا 18 توننا پىشەن جانىپ كەتتى.

«ءشوپ تاسىمالداۋ كەزىندە «زيل-130» كولىگىنىڭ ارتىنداعى 2 توننا پىشەن، كابينا مەن دوڭگەلەك تىسى ورتەندى. ءتىلسىز جاۋدىڭ جالپى اۋماعى - 9 شارشى مەتر. 1959 -جىلى تۋعان مەنشىك يەسى ءورت سوندىرۋشىلەر كەلگەنگە دەيىن جالىندى ءوز كۇشىمەن وشىرۋگە تىرىسقان. سونىڭ سالدارىنان ونىڭ قولىن كۇيىك شالدى» دەپ حابارلادى ۆەدومستۆو وكىلدەرى.

بارلىق وقيعالاردا ءورتتىڭ شىعۋ سەبەبى - وتپەن ابايسىز ارەكەت ەتۋ. 2020 -جىلدىڭ تامىزىنان باستاپ شىعىس قازاقستاندا 400 تونناعا جۋىق جەمشوپ ورتەنگەن.

اۆتور: تالعاتجان مۇحامەتبەك ۇلى