+7 (701) 759 90 19
-1 °С : نۇر-سۇلتان
6 °С : الماتى
USD 427.93 EUR 506.71
RUB 5.55 CNY 64.29
جاڭالىقتار

پرەزيدەنت اقىن نەسىپبەك ايت ۇلىن 70 جاسقا تولۋىمەن قۇتتىقتادى

22 قىركۇيەك 21:48
:ءبولىسۋ
پرەزيدەنت اقىن نەسىپبەك ايت ۇلىن 70 جاسقا تولۋىمەن قۇتتىقتادى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ بەلگىلى اقىن، قازاقستاننىڭ ەڭبەك سىڭىرگەن قايراتكەرى نەسىپبەك ايت ۇلىن 70 جاسقا تولۋىمەن قۇتتىقتادى.

پرەزيدەنتتىڭ قۇتتىقتاۋ حاتىن مەرەيتوي يەسىنە مادەنيەت جانە سپورت ءمينيسترى اقتوتى رايىمقۇلوۆا تابىستادى، دەپ حابارلايدى قازاقپارات ءتىلشىسى.

«ءسىز پوەزيا الەمىندە وزىندىك ورنى بار، ەگەمەن ەلىمىزدىڭ جارقىن جەتىستىكتەرىن جىر جولدارىمەن ورنەكتەگەن، تالعامى بيىك وقىرماننىڭ جوعارى باعاسىن العان اقىن، سارا ءسوزدىڭ شەبەرى رەتىندە قۇرمەتكە بولەنىپ وتىرسىز. قازىرگىدەي سىن ساعاتتا حالقىمىزدى سابىرلى، ىنتىماقتى بولۋعا شاقىرىپ، ازاماتتىق ءۇن قوسقان پايىمدى وي- پىكىرلەرىڭىز جۇرتشىلىقتىڭ كوڭىلىنەن شىعۋدا. قازاق ادەبيەتىنىڭ دامۋىنا قوسقان ەلەۋلى ۇلەسىڭىز ءۇشىن سىزگە العىسىمدى ءبىلدىرىپ، مەرەيتويىڭىزبەن قۇتتىقتايمىن! وزىڭىزگە زور دەنساۋلىق، شىعارماشىلىق تابىس جانە اۋلەتىڭىزگە قۇت- بەرەكە تىلەيمىن»، - دەلىنگەن مەملەكەت باسشىسىنىڭ قۇتتىقتاۋ حاتىندا.

سونىمەن قاتار اقتوتى رايىمقۇلوۆا نەسىپبەك ايت ۇلىن مينيسترلىك اتىنان دا قۇتتىقتاپ، شىعارماشىلىق تابىس تىلەدى.

«ءسىز ءتول ادەبيەتىمىز بەن مادەنيەتىمىزدى بايىتۋعا ولشەۋسىز ۇلەس قوسىپ كەلە جاتقان ادۋىندى اقىن، قاجىرلى قايراتكەرسىز. ۇزاق جىل اسىل سوزبەن قازاق رۋحانياتىنا قالتقىسىز قىزمەت ەتىپ كەلە جاتقان مەرزىمدى باسىلىمداردا لاۋازىمدى قىزمەت اتقارىپ، قالىڭ وقىرماننىڭ كوكجيەگىن كەڭەيتەتىن مازمۇندى ماتەريالداردىڭ جارىق كورۋىنە سۇبەلى ۇلەس قوستىڭىز. «جۇرەكتەگى جاڭعىرىقتار» ، «اكە تۋرالى سىر» ، «جاڭبىر ءانى» ، «تۇندەلەپ ۇشقان تىرنالار» ، «رۋحىمنىڭ پاديشاسى» ، «مۇقاعالي- جەلتوقسان» جانە تاعى باسقا كوركەم سوزبەن كومكەرىلگەن ماعىنالى كىتاپتارىڭىزبەن پوەزيادا تىڭ قۇبىلىس قالىپتاستىردىڭىز. الەم جازۋشىلارىنىڭ تاڭداۋلى شىعارمالارىن انا تىلىمىزدە سويلەتىپ، تالعامپاز وقىرماننىڭ ىستىق ىقىلاسىنا بولەنىپ كەلەسىز. الداعى ۋاقىتتا دا ەسەلى ەڭبەگىڭىز بەرەكەلى بولىپ، تولايىم شىعارماشىلىق جەتىستىكتەرگە قول جەتكىزە بەرۋىڭىزگە تىلەكتەسپىن»، - دەدى مينيستر.

ءوز كەزەگىندە نەسىپبەك ايت ۇلى مەملەكەت باسشىسىنا العىسىن ايتىپ، سىندارلى كەزەڭدى ءبىرتۇتاس حالىق بولىپ بىرگە ەڭسەرەتىنىمىزگە سەنىم ءبىلدىردى. ايتا كەتەيىك، نەسىپبەك ايت ۇلى بەلگىلى اقىن، مەملەكەتتىك سىيلىقتىڭ لاۋرەاتى (2012) ، قازاقستاننىڭ ەڭبەك سىڭىرگەن قايراتكەرى (2011) ، «پاراسات» وردەنىنىڭ يەگەرى (2004) .


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات