16:28, 10 - تامىز 2020 | GMT +6
كوروناۆيرۋس: 70 ناۋقاس وكپەنى جاساندى جەلدەتۋ اپپاراتىنا قوسىلدى
نۇر- سۇلتان. قازاقپارات - كوروناۆيرۋسقا شالدىققان ناۋقاستاردىڭ اراسىندا 246 ادامنىڭ دەنساۋلىعى ناشار. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ءمالىم ەتتى، دەپ حابارلايدى قازاقپارات ءتىلشىسى.
«رەسمي ستاتيستيكاعا كەلەتىن بولساق، بيىلعى 13- ناۋرىزىنان باستاپ قازاقستاندا كوروناۆيرۋستىق ينفەكتسيامەن 99442 ادام اۋىردى. جازىلىپ شىققان ناۋقاستاردىڭ سانى 72523 نەمەسە 72,9 پايىز. ستاتسيونارلاردا 4713 ادام ەم قابىلداۋدا جانە 20937 امبۋلاتورلىق جاعداي ەمدەلۋدە»، - دەدى رەسمي وكىل ورتالىق كوممۋنيكاتسيالار قىزمەتىندە.
ونىڭ سوزىنە قاراعاندا، ناۋقاستاردىڭ اراسىندا 246 ادامنىڭ دەنساۋلىعى ناشار، 69 ادامنىڭ دەنساۋلىعى وتە ناشار دەپ باعالاندى. جالپى 70 ناۋقاس وكپەنى جاساندى جەلدەتۋ اپپاراتىندا جاتىر جاتىر. ەسكە سالساق، قازاقستاندا كوروناۆيرۋستى جۇقتىرۋ ءوسىمى توقتادى.
اۆتور: رۋسلان عابباسوۆ