جامبىل وبلىسىندا ساپاسىز جولدار ءۇشىن 70 لاۋازىمدى تۇلعا جاۋاپقا تارتىلدى

None
None
تاراز. قازاقپارات - جامبىل وبلىسىندا 70 لاۋازىمدى تۇلعا ساپاسىز جولدار مەن قوزعالىس قاۋىپسىزدىگىن ءتيىستى دەڭگەيدە قامتاماسىز ەتپەگەنى ءۇشىن جاۋاپكەرشىلىككە تارتىلدى، دەپ حابارلايدى قازاقپارات.

جامبىل وبلىسىنىڭ پوليتسيا دەپارتامەنتى اكىمشىلىك پوليتسيا باسقارماسىنىڭ قىزمەتكەرلەرى 5 مىڭ كيلومەتردەن استام كولىك جولىن تەكسەرىپ، 5 مىڭعا جۋىق اقاۋدى انىقتادى.

«جول قوزعالىسى قاۋىپسىزدىگىن قامتاماسىز ەتۋ ماقساتىندا وبلىستىڭ اۆتوموبيل جولدارىندا 5365 شاقىرىم جول قامتىلىپ، ولارعا قاتىستى 787 تەكسەرۋ جۇمىستارى جۇرگىزىلدى. تەكسەرۋ بارىسىندا 4867 اقاۋ انىقتالدى. ونىڭ ىشىندە رەسپۋبليكالىق ماڭىزى بار جولداردا - 975 اقاۋ، وبلىستىق ماڭىزى بار جولداردا - 536 اقاۋ، اۋداندىق ماڭىزى بار جولداردا - 539 جانە ەلدى مەكەندەردىڭ كوشە-جول توراپتارىندا 2802 كەمشىلىك انىقتالدى»، - دەدى جامبىل وبلىسى پ د باستىعىنىڭ ءبىرىنشى ورىنباسارى باقىت راتايەۆ.

تەكسەرۋ ناتيجەلەرى بويىنشا جول مەكەمەلەرىنىڭ باسشىلارىنا 787 ۇيعارىم بەرىلىپ، 705 جاۋاپ الىنعان. ونىڭ ءتورت جۇزدەن استامىندا قارجىلاندىرۋدىڭ بولماۋىنان ورىنداۋ مەرزىمى سوزىلىپ جاتقانى ايتىلعان. اۆتوموبيل جولدارىن جوندەۋ جانە كۇتىپ ۇستاۋدا انىقتالعان كەمشىلىكتەر بويىنشا جەرگىلىكتى اتقارۋشى ورگاندارعا - 87 اقپارات، وبلىستىق جانە اۋداندىق پروكۋراتۋرا ورگاندارىنا 26 اقپارات جولداندى.

«اۆتوموبيل جولدارىن قاناعاتتانارلىق جاعدايدا ۇستاعانى جانە جول قوزعالىسى قاۋىپسىزدىگىن قامتاماسىز ەتپەگەنى ءۇشىن 70 لاۋازىمدى تۇلعا: ونىڭ ىشىندە جولداردا جۇمىس جۇرگىزۋ، جولداردا، تەمىرجول وتكەلدەرىندە جول قۇرىلىستارىن جۇرگىزۋ بويىنشا تالاپتاردى ورىنداماعانى ءۇشىن 60 لاۋازىمدى تۇلعا جانە جولداردىڭ، تەمىرجول وتكەلدەرىنىڭ جانە باسقا دا قۇرىلىستاردىڭ نەمەسە جول قوزعالىسىن رەتتەۋدىڭ تەحنيكالىق قۇرالدارىنىڭ جارامسىزدىعى ءۇشىن 10 جەكە تۇلعا اكىمشىلىك جاۋاپكەرشىلىككە تارتىلدى»، - دەلىنگەن ۆەدومستۆو حابارلاماسىندا.

سوڭعى جاڭالىقتار