+7 (701) 759 90 19
22 °С : نۇر-سۇلتان
22 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

تۇركىستان وبلىسىندا ۇرىلار توبى 70 ميلليون تەڭگەنىڭ مالىن ۇرلاعان

25 مامىر 15:30
:ءبولىسۋ
تۇركىستان وبلىسىندا ۇرىلار توبى 70 ميلليون تەڭگەنىڭ مالىن ۇرلاعان

تۇركىستان. قازاقپارات - تۇركىستان وبلىسىندا 70 ميلليون تەڭگەنىڭ مالىن ۇرلاعان قىلمىستىق توپ مۇشەلەرى ۇستالدى.

بۇل تۋرالى وبلىستىق پوليتسيا دەپارتامەنتىنىڭ باسشىسى قايرات دالبەكوۆ بريفينگ بارىسىندا ءمالىم ەتتى، دەپ حابارلايدى قازاقپارات ءتىلشىسى.

پوليتسيا گەنەرال-مايورى قايرات دالبەكوۆتىڭ ايتۋىنشا، بارىمتاشىلار توبى تۇركىستان جانە كەنتاۋ قالالارىنىڭ اۋماعىندا ءتورت تۇلىكتى قولدى ەتىپ كەلگەن. ولار ءۇش جىلدىڭ ىشىندە 150 دەن استام جىلقى مەن سيىر ۇرلاعان. كۇدىكتىلەر كەنتاۋلىق تۇرعىننىڭ پوليتسياعا ارىزىنان كەيىن ىزدەستىرىلە باستاعان.


«كەنتاۋلىق تۇرعىن 20 دان استام جىلقىسى جوعالىپ كەتكەنىن ايتتى. وقيعا ورنىنا شىققان كريمينالدىق پوليتسيا قىزەتكەرلەرى، ياعني جەدەل ۋاكىلدەر جاقىن ماڭداعى بارلىق اۋماقتار مەن جايىلىمداردى ارالاپ، كورگەن ادامدار مەن اۋىل تۇرعىندارىنان سۇراستىرعان. مال تاسىمالدايتىن اۆتوكولىكتەردى جانە مال ساتىپ الاتىن ورىنداردى مۇقيات تەكسەرىپ شىقتى. جەدەل-ىزدەستىرۋ ءىس-شاراسى بارىسىندا وسى قىلمىسقا قاتىسى بار دەگەن تۇركىستان مەن كەنتاۋ قالاسىنىڭ 5 كۇدىكتى تۇرعىنىن، ونىڭ ىشىندە ۇرلانعان مالداردى ساتىپ الۋشىنى دا ۇستادى. تەرگەۋ بارىسىندا بارىمتاشىلاردىڭ 125 جىلقى مەن 30 باس ءىرى قارا مالدىڭ ۇرلىعىنا قاتىسى بار ەكەندىگى انىقتالدى. بۇگىنگى تاڭدا 2017-2020 -جىلدار ارالىعىندا مال ۇرلىعىنىڭ 19 جايتىنا قاتىسى بارى بەلگىلى بولدى»، - دەدى قايرات دالبەكوۆ.

پوليتسيا دەپارتامەنتى باستىعىنىڭ سوزىنشە، قىلمىستىق توپتىڭ قۇرامىنداعىلاردىڭ ءارقايسىسى وزىنە جۇكتەلگەن مىندەتتى ورىنداعان. ءبىرى مالدى جايىلىمنان ۇرلاپ تۇرسا، باسقالارى قورا-جايلارعا جاسىرۋمەن اينالىسقان. تاعى ءبىرى ۇرلانعان مالدى ساتقان نەمەسە ساتۋ ءۇشىن سويىپ وتىرعان. كۇدىكتىلەردىڭ ءۇيىن ءتىنتۋ كەزىندە ءتارتىپ ساقشىلارى 18 باس جىلقى مەن 9 سيىردى تاركىلەپ، ولاردى زاڭدى يەلەرىنە قايتارعان.


«قازىرگى ۋاقىتتا اتالعان جايت بويىنشا سوتقا دەيىنگى تەرگەۋ امالدارى جۇرگىزىلۋدە. جابىرلەنۋشىلەرگە كەلتىرىلگەن شىعىننىڭ جالپى كولەمى 70 ميلليوننان استام تەڭگەنى قۇرادى. كۇدىكتىلەر قاماۋعا الىندى. پوليتسيا قىزمەتكەرلەرى ۇستالعانداردىڭ باسقا دا وسىعان ۇقساس مال ۇرلىعى دەرەكتەرىنە قاتىستىلىعىن انىقتاۋدا»، - دەدى قايرات دالبەكوۆ.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات