نۇر-سۇلتاندا 70 تەن استام سۋبۇرقاق جۇمىس ىستەپ تۇر

نۇر-سۇلتان. قازاقپارات - سۋبۇرقاقتار ماۋسىمىنىڭ جالپى قالالىق اشىلۋى 1- مامىردا ءوتتى، دەپ حابارلايدى ەلوردا اكىمدىگىنىڭ رەسمي سايتى.

نۇر-سۇلتان تۇرعىندارى جۇمىس ىستەپ تۇرعان سۋبۇرقاقتاردى قالانىڭ بارلىق اۋداندارىنان كورە الادى.

73 سۋبۇرقاقتىڭ بارلىعى قاجەتتى دايىندىقتان وتكەن. سۋبۇرقاقتاردىڭ كوبى، ياعني 48 ءى ەسىل اۋدانىندا ورنالاسقان. ونىڭ بارلىعىنا قايتا تازارتۋ، ەلەكتر سورعىلارىن قايتا قاراۋ، سۋ استىنداعى جارىقتاندىرۋ شامدارى جانە سابىندى ەرىتىندىلەرمەن تازارتۋ جۇرگىزىلگەن.

نۇرجول بۋلۆارى، ەكسپو-2017، «جەتىسۋ» ساياباعى مەن بوتانيكالىق باقتا ورنالاسقان ءتورت سۋبۇرقاقتىڭ مۋزىكاسىن باپتاۋ جۇرگىزىلدى.

بايقوڭىر اۋدانىنداعى سۋبۇرقاقتار جوندەپ، قالپىنا كەلتىرىلدى.

جالپى العاندا، بۇل اۋداندا 4 سۋبۇرقاق بار. ونىڭ ىشىندە بىرەۋى ەسىل ساۋدا ءۇيىنىڭ ماڭىندا ورنالاسسا، قالعانى «جاستار» سارايىنىڭ اۋماعىندا.

سارىارقا اۋدانىندا 11 سۋبۇرقاق بار:

«اقجايىق» سۋبۇرقاعى - بوگەنباي باتىر جانە جەڭىس كوشەسىنىڭ قيىلىسى، «ءومىر اعاشى» سۋبۇرقاعى - اباي - جەڭىس، «قازاق دراما تەاترى» سۋبۇرقاعى - وماروۆ، «فۋتبول ويىنشىلارى» سۋبۇرقاعى - جەڭىس - كەنەسارى، فونتانداردىڭ كاسكادى - رەسپۋبليكا - وماروۆ، «جاستار» تەاترىنداعى سۋبۇرقاق، «ءاليا» سۋبۇرقاعى - مولداعۇلوۆا - جەڭىس، «اتىراۋ» سۋبۇرقاعى- بەيبىتشىلىك - ەسەنبەرلين، م. اۋەزوۆ جانە ماسكەۋ كوشەسىنىڭ الاڭىنداعى سۋبۇرقاق - رەسپۋبليكا - ماسكەۋ، اباي داڭعىلى بويىنداعى سۋبۇرقاق - اباي داڭعىلى 27، «سارىارقا» سۋبۇرقاعى- سارىارقا اۋدانى اكىمدىگى.

الماتى اۋدانىندا ون سۋبۇرقاق بار.

ولار «قازاق ەلى» الاڭىندا، تاۋەلسىزدىك سارايىندا، حازرەت سۇلتان مەشىتىندە، «وتان قورعاۋشىلار» مونۋمەنتىندە، پرەزيدەنتتىك پارك كەشەنىندە (پيراميدانىڭ ارتىندا)، بەيبىتشىلىك جانە كەلىسىم سارايىنىڭ الدىندا، «قازاقستان» سپورت كەشەنىندە، ب. مومىش ۇلى اتىنداعى ساياباقتا، وقۋشىلار سارايىنىڭ جانىندا ورنالاسقان.