قازاقستاندا كوروناۆيرۋس جۇقتىرعانداردىڭ 70 پايىزى ناۋقاسپەن بايلانىستا بولعان
«قازىرگى ۋاقىتتا ۆيرۋس ءبىزدىڭ ورتامىزدا ءجۇر، ءوز ىشىمىزدە ۆيرۋس تارالىپ جاتقانىن ەسكەرتكىم كەلەدى. ەلىمىزدە تىركەلگەن 369 كۆي جۇقتىرۋ جاعدايىنىڭ %70 ناۋقاسپەن بايلانىستا بولعاندار. ياعني، جەرگىلىكتى جاعدايلار دەپ اتالادى، بۇل جاعدايدا ينفەكسيا وشاعىن انىقتاۋ مۇمكىن ەمەس»، - دەدى باس سانيتارلىق دارىگەر ورتالىق كوممۋنيكاتسيالار قىزمەتىندە وتكەن بريفينگتە.
ونىڭ ايتۋىنشا، ءبىر ادام ورتا ەسەپپەن 4 ادامعا ينفەكسيا جۇقتىرا الادى. اۋرۋ بەلگىلەرى پايدا بولماي تۇرىپ- اق، ادام بويىندا ينفەكسيا بولادى.
«الماتى جانە نۇر- سۇلتان قالالارىندا ءبىر ناۋقاستان 2-7 ادامعا دەيىن اۋرۋ جۇقتىرۋ جاعدايلارىن كەزىكتىردىك. بۇل دەرەكتەر ۆيرۋستىڭ جۇعۋ قاۋپى جوعارى ەكەنىن تاعى دا دالەلدەپ وتىر. سوندىقتان، ەلدەگى، ءار وبلىس، قالا، اۋدان، ەلدىمەكەندەگى جانە ءاربىر وتباسىنداعى كارانتين - نەگىزگى الدىن الۋ شاراسى بولىپ قالا بەرەدى. ارتىق بايلانىستى توقتاتىپ، تولىق وقشاۋلانۋ ۆيرۋستىڭ ادامنان ادامعا تاراۋىن توقتاتادى» ، - دەدى ا. ەسماعامبەتوۆا.