يراندا جەر سىلكىندى: 70 تەن استام ادام زارداپ شەكتى

حوي. يرنا - قازاقپارات - يراننىڭ سولتۇستىك- باتىسىنداعى حوي قالاسىندا جەر سىلكىنىسى بولدى، دەپ حابارلايدى قازاقپارات يرنا- عا سىلتەمە جاساپ.

5,7 ماگنيتۋدالى جەر سىلكىنىسى يران مەن تۇركيا اراسىنداعى شەكارالىق ايماقتا، گوتۋر اۋدانىنا جاقىن ماڭدا بولعان. جەراستى ءدۇمپۋى UTC ۋاقىتىمەن 05:52 دە تىركەلدى.

ەپيتسەنترى يراننىڭ تەبريز قالاسىنان باتىسقا قاراي 141 شاقىرىم قاشىقتىقتا جانە تۇركيانىڭ وزالپ قالاسىنان وڭتۇستىك- شىعىسقا قاراي 71 شاقىرىم قاشىقتىقتا ورنالاسقان. تەرەڭدىگى - بەس شاقىرىم. يرانداعى ءزىلزالادان 70 تەن استام ادام زارداپ شەكتى.

بۇدان بۇرىن حابارلاعانىمىزداي، يراندا بولعان جەر سىلكىنىسىنەن تۇركيانىڭ ۆان پروۆينسياسىندا تۇركيانىڭ 9 ازاماتى مەرت بولىپ، 37 ءسى جاراقات الدى. توعىز ادام اۋىر حالدە جاتىر.