18:49, 25 - ءساۋىر 2019 | GMT +6
تولاسسىز جاۋعان جاڭبىر 70 ادامنىڭ ءومىرىن قيدى
نۇر- سۇلتان. قازاقپارات - وڭتۇستىك افريكا رەسپۋبليكاسىنىڭ شىعىسىنداعى كۆازۋلۋ- ناتال پروۆينتسياسىندا تولاسسىز جاۋعان جاڭبىر سالدارىنان قازا تاپقاندار سانى 70 كە جەتتى، دەپ حابارلايدى SABC News تەلەارناسى جەرگىلىكتى بيلىككە سىلتەمە جاساپ.
بۇدان بۇرىن 51 ادامنىڭ مەرت بولعانى حابارلانعان ەدى.
پروۆينتسيا باسشىسى سيحلە زيكالالا قۇرباندار سانى 70 كە جەتكەنىن راستادى. تاعى مىڭداعان ادام ءوز ۇيلەرىن تاستاپ كەتۋگە ءماجبۇر بولعان.
پروۆينتسيادا ۇيىندىلەر سۇرىپتالىپ جاتىر، قۇتقارۋ جۇمىستارى جۇرگىزىلۋدە. و ا ر- دىڭ شىعىسىندا قاتتى جاۋىن- شاشىننان جولداردى سۋ باسىپ، ينفراقۇرىلىمدار زاقىمدالدى جانە ۇيلەر قيرادى.