تاعايىنداۋلار: 70 پايىزعا وزگەرگەن ۇكىمەتكە كىمدەر مۇشە

استانا. قازاقپارات - وتستاۆكاعا كەتكەن ۇكىمەتتىڭ ورنىنا جاڭا مينيسترلەر كابينەتى وسى اپتادا تولىقتاي جاساقتالىپ ءبىتتى.

ۇكىمەت 70 پايىزعا جاڭارىپ، جاڭا مەملەكەتتىك حاتشى قىزمەتىنە كىرىستى. ەكى وبلىستىڭ اكىمى اۋىستى. قازاقپارات اپتا ىشىندە وسى جانە وزگە دە تاعايىنداۋلاردى وقىرماندارىنىڭ نازارىنا ۇسىنادى.

سونىمەن مەملەكەتتىك حاتشى قىزمەتىنە كەلگەن ساعىنتايەۆ باقىتجان ءابدىر ۇلى 1963 -جىلى 13 -قازاندا جامبىل وبلىسى تالاس اۋدانى ءۇشارال اۋىلىندا تۋعان. قازاق مەملەكەتتىك ۋنيۆەرسيتەتىن بىتىرگەن، ەكونوميكا عىلىمدارىنىڭ كانديداتى. ەڭبەك جولىن ج و و وقىتۋشىسى بولىپ باستاعان، كاسىپكەرلىكپەن دە ءبىراز شۇعىلدانعان. جامبىل وبلىسى اكىمىنىڭ ورىنباسارى، پاۆلودار وبلىسىنىڭ اكىمى ق ر تابيعي مونوپوليالاردى رەتتەۋ جونىندەگى اگەنتتىگىنىڭ ءتوراعاسى، ق ر پرەمەر- ءمينيسترى كەڭسەسىنىڭ باسشىسى، ەكونوميكالىق دامۋ جانە ساۋدا ءمينيسترى، «نۇر- وتان» ح د پ ءتوراعاسىنىڭ ءبىرىنشى ورىنباسارى، ق ر پرەمەر- ءمينيسترىنىڭ ءبىرىنشى ورىنباسارى - وڭىرلىك دامۋ ءمينيسترى سىندى لاۋازىمدى قىزمەتتەر اتقارعان. 2016 -جىلدان ەلىمىزدىڭ ۇكىمەتىن باسقاردى.

ال ۇكىمەت باسشىسى قىزمەتىنە كەلگەن مامين اسقار ۇزاقباي ۇلى

سەلينوگراد ينجەنەرلىك- قۇرىلىس ينستيتۋتىن، گ. ۆ. پلەحانوۆ اتىنداعى رەسەي ەكونوميكالىق اكادەمياسىن بىتىرگەن. استانا اكىمىنىڭ ءبىرىنشى ورىنباسارى، ق ر كولىك جانە كوممۋنيكاتسيالار ۆيتسە- ءمينيسترى، يندۋستريا جانە ساۋدا ءبىرىنشى ۆيتسە-ءمينيسترى، كولىك جانە كوممۋنيكاتسيالار ءمينيسترى، استانا قالاسىنىڭ اكىمى بولدى. «قازاقستان تەمىر جولى» ۇلتتىق كومپانياسىن باسقاردى. 2016 -جىلدان تاعايىنداۋعا شەيىن ق ر پرەمەر- ءمينيسترىنىڭ ءبىرىنشى ورىنباسارى قىزمەتىن اتقاردى.

ق ر پرەمەر- ءمينيستردىڭ ءبىرىنشى ورىنباسارى - قارجى ءمينيسترى قىزمەتىنە سمايىلوۆ ءاليحان اسحان ۇلى تاعايىندالدى. 1972 -جىلى الماتى قالاسىندا دۇنيەگە كەلگەن ول قاز ۇ ۋ- دى، ق ر پرەزيدەنتى جانىنداعى قازاقستان مەنەدجمەنت، ەكونوميكا جانە بولجامداۋ ينستيتۋتىنىن بىتىرگەن. ق ر سىرتقى ىستەر ۆيتسە-ءمينيسترى، قارجى ۆيتسە- ءمينيسترى، ۇلتتىق ەكونوميكا مينيسترلىگى ستاتيستيكا كوميتەتىنىڭ ءتوراعاسى، ق ر پرەزيدەنتىنىڭ كومەكشىسى بولعان. سوڭعى قىزمەتى - ەلىمىزدىڭ قارجى ءمينيسترى.

ۇكىمەت باسشىسىنىڭ كەلەسى ورىنباسارى قاسىمبەك جەڭىس ماحمۇد ۇلى 1975 -جىلى دۇنيەگە كەلگەن. قاز ب س ق ا، ل. گۋميلەۆ اتىنداعى ە ۇ ۋ- دى بىتىرگەن، ەكونوميكا عىلىمدارىنىڭ كانديداتى. ق ر كولىك جانە كوممۋنيكاتسيالار ۆيتسە-ءمينيسترى، جاۋاپتى حاتشىسى، ينۆەستيتسيالار جانە دامۋ ءبىرىنشى ۆيتسە- ءمينيسترى، يندۋستريا جانە ينفراقۇرىلىمدىق دامۋ ءمينيسترى بولعان.

بۇعان دەيىن ەلىمىزدىڭ مەملەكەتتىك حاتشىسى لاۋازىمىنداعى ءابدىقالىقوۆا گۇلشارا ناۋشا قىزى پرەمەر-ءمينيستردىڭ ورىنباسارى قىزمەتىنە كەلدى.

ول 1965 -جىلى قىزىلوردا وبلىسىندا دۇنيەگە كەلگەن. جامبىل جەڭىل جانە تاماق ونەركاسىبى تەحنولوگيالىق ينستيتۋتىن بىتىرگەن، ەكونوميكا عىلىمدارىنىڭ كانديداتى. ەڭبەك جانە حالىقتى الەۋمەتتىك قورعاۋ ۆيتسە-ءمينيسترى، جاۋاپتى حاتشى مينيستر، ق ر پرەزيدەنتىنىڭ كەڭەسشىسى، ق ر پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى كوميسسيانىڭ ءتورايىمى، ق ر پرەزيدەنتىنىڭ كەڭەسشىسى، ق ر پرەمەر-ءمينيسترىنىڭ ورىنباسارى قىزمەتتەرىن اتقارعان ەدى.

ۇلتتىق بانك ءتوراعاسى قىزمەتىنە كەلگەن ەربولات دوسايەۆ

1970 -جىلى الماتى قالاسىندا تۋعان. الماتى ەنەرگەتيكالىق ينستيتۋتىن، باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتىن بىتىرگەن. ءبىرقاتار بانكتە جۇمىس ىستەگەن. ق ر ەنەرگەتيكا، يندۋستريا جانە ساۋدا ۆيتسە- ءمينيسترى، قارجى ۆيتسە- ءمينيسترى، مينيستر، دەنساۋلىق ساقتاۋ ءمينيسترى، ەكونوميكالىق دامۋ جانە ساۋدا ءمينيسترى، ەكونوميكا جانە بيۋدجەتتىك جوسپارلاۋ ءمينيسترى، ۇلتتىق ەكونوميكا ءمينيسترى بولعان. 2017 -جىلعى تامىزدان بۇگىنگە دەيىن ۆيتسە- پرەمەر قىزمەتىن اتقارىپ كەلدى.

مۇنان بولەك، مەملەكەت باسشىسىنىڭ وكىمىمەن سۇلەيمەنوۆ تيمۋر مۇرات ۇلى قازاقستان رەسپۋبليكاسى ۇلتتىق بانكى ءتوراعاسىنىڭ ورىنباسارى بولدى.

تيمۋر مۇرات ۇلى سۇلەيمەنوۆ 1978 -جىلى 5 -ساۋىردە تۋعان. پاۆلودار مەملەكەتتىك ۋنيۆەرسيتەتىن، "بولاشاق" باعدارلاماسى بويىنشا مەريلەند ۋنيۆەرسيتەتىن بىتىرگەن. ق ر ەكونوميكا جانە بيۋدجەتتىك جوسپارلاۋ ۆيتسە- ءمينيسترى، ەكونوميكالىق دامۋ جانە ساۋدا ۆيتسە- ءمينيسترى، ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى جونىندەگى القا مۇشەسى (ءمينيسترى) ​​ بولدى. جاڭا تاعايىنداۋعا دەيىن ۇلتتىق ەكونوميكا ءمينيسترى قىزمەتىن اتقاردى.

ق ر پرەمەر- مينيستر كەڭسەسىنىڭ باسشىسى بولىپ دارحان كالەتايەۆ تاعايىندالدى.

1972 -جىلى 10 -قازاندا دۇنيەگە كەلگەن دارحان امان ۇلى شىعىس قازاقستان مەملەكەتتىك ۋنيۆەرسيتەتىن، ۇلتتىق جوعارى مەملەكەتتىك باسقارۋ مەكتەبىن بىتىرگەن. ساياسات تانۋ عىلىمدارىنىڭ دوكتورى. پرەزيدەنت اكىمشىلىگى باسشىسىنىڭ ورىنباسارى، «نۇر وتان» حالىقتىق- دەموكراتيالىق پارتياسى ءتوراعاسىنىڭ ءبىرىنشى ورىنباسارى، «سامۇرىق- قازىنا» ۇلتتىق ءال- اۋقات قورى» ا ق- نىڭ باسقارۋشى ديرەكتورى قىزمەتتەرىن اتقارعان. قازاقستان رەسپۋبليكاسى پرەزيدەنتىنىڭ جارلىعىمەن پارلامەنت سەناتىنىڭ دەپۋتاتى بولعان. سوڭعى قىزمەتى - قوعامدىق دامۋ ءمينيسترى.

ايتا كەتەرلىگى، ەلىمىزدىڭ كونستيتۋتسياسىنا سايكەس پرەزيدەنت تىكەلەي تاعايىندايتىن ۇكىمەت مۇشەلەرى دە بار. ياعني، ەلباسىنىڭ جارلىعىمەن تاعايىندالعان ق ر سىرتقى ىستەر ءمينيسترى بەيبىت اتامقۇلوۆ، قورعانىس ءمينيسترى نۇرلان ەرمەكبايەۆ جانە ىشكى ىستەر ءمينيسترى ەرلان تۇرعىمبايەۆ ءۇشىن بۇل جولعى ۇكىمەت وتستاۆكاسىنىڭ ەش قاتىسى جوق دەسەك تە بولادى. ال مينيسترلەر كابينەتىنىڭ قالعان مۇشەلەرى ۇكىمەت باسشىسىنىڭ ۇسىنىسىمەن جانە پارلامەنت دەپۋتاتتارىنىڭ كەلىسىمىمەن تاعايىندالادى. بۇل ورايدا بۇرىنعى ۇكىمەت مۇشەلەرىنىڭ ىشىنەن ق ر ەنەرگەتيكا ءمينيسترى قانات بوزىمبايەۆ، مادەنيەت جانە سپورت ءمينيسترى ارىستانبەك مۇحامەدي ۇلى، دەنساۋلىق ساقتاۋ ءمينيسترى ەلجان ءبىرتانوۆ قىزمەتتەرىن ساقتاپ قالعانىن اتاپ وتكەن ءجون.

سونىمەن قاتار اقپارات جانە كوممۋنيكاتسيالار مينيسترلىگى مەن قوعامدىق دامۋ مينيسترلىگى قوسىلىپ، اقپارات جانە قوعامدىق دامۋ مينيسترلىگى قۇرىلعان بولاتىن. بۇل قىزمەتتە بۇرىنعى اقپارات ءمينيسترى داۋرەن ابايەۆ قالدى. مۇنان بولەك، اتاۋى وزگەرگەن سيفرلىق دامۋ، قورعانىس جانە اەروعارىش ونەركاسىبى مينيسترلىگىنىڭ دە بۇرىنعى باسشىسى اسقار جۇماعاليەۆ ورنىندا قالدى.

ال ەندى جاڭا مينيسترلەرگە توقتالساق، وسى ۋاقىتقا دەيىن اقتوبە وبلىسىنىڭ اكىمى بولعان بەردىبەك ساپاربايەۆ ەڭبەك جانە حالىقتى الەۋمەتتىك قورعاۋ ءمينيسترى قىزمەتىنە كەلدى.

بەردىبەك ماشبەك ۇلى 1953 -جىلعى 9 -اقپاندا قىزىلوردا وبلىسىنىڭ جاڭاقورعان اۋدانىنىڭ بەسارىق اۋىلىندا دۇنيەگە كەلگەن. الماتى حالىق شارۋاشىلىعى ينستيتۋتىن بىتىرگەن. قىزىلوردا، وڭتۇستىك قازاقستان، شىعىس قازاقستان وبلىستارىنىڭ اكىمى بولعان. ق ر ەكونوميكا جانە بيۋدجەتتىك جوسپارلاۋ ۆيتسە- ءمينيسترى، ەڭبەك جانە حالىقتى الەۋمەتتىك قورعاۋ ءمينيسترى، ق ر پرەمەر- ءمينيسترىنىڭ ورىنباسارى قىزمەتتەرىن اتقارعان ەدى.

ءبىلىم جانە عىلىم ءمينيسترى لاۋازىمىنا تاعايىندالعان كۇلاش ءشامشيدينوۆا 1958 -جىلعى 4 -ناۋرىزدا بۇرىنعى تالدىقورعان وبلىسىنىڭ كوكسۋ اۋدانىنىڭ بەسقاينار اۋىلىندا دۇنيەگە كەلگەن. قازاق مەملەكەتتىك ۋنيۆەرسيتەتىن بىتىرگەن. تالدىقورعان قالاسى اكىمىنىڭ ورىنباسارى، ق ر ءبىلىم جانە عىلىم ۆيتسە- ءمينيسترى، «بوبەك» ۇلتتىق عىلىمي پراكتيكالىق ءبىلىم جانە ساۋىقتىرۋ ورتالىعىنىڭ باس ديرەكتورى بولعان. 2009 -جىلدان باستاپ وسى ۋاقىتقا دەيىن «نازاربايەۆ زياتكەرلىك مەكتەپتەرى» ا ق باسقارما ءتورايىمى قىزمەتىن اتقارعان.

ۇلتتىق ەكونوميكا ءمينيسترى قىزمەتىنە وسى ۋاقىتقا دەيىن ءبىرىنشى ۆيتسە-مينيستر بولعان دالەنوۆ رۋسلان ەربولات ۇلى كەلدى.

1975 -جىلعى 8 -اقپاندا دۇنيە كەلگەن ول ىستانبۇلدىڭ مارمارا ۋنيۆەرسيتەتىن بىتىرگەن. ق ر مەملەكەتتىك كىرىس مينيسترلىگىندە جەتەكشى ماماننان باستاپ، باسقارما باستىعىنا دەيىنگى قىزمەت ساتىسىنان وتكەن. جەكە سەكتوردا دا جۇمىس ىستەگەن. كەيىننەن قارجى ۆيتسە- ءمينيسترى، ۇلتتىق ەكونوميكا ءبىرىنشى ۆيتسە- ءمينيسترى بولعان.

ق ر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى بولعان رومان سكليار ۆەدومستۆونىڭ باسشىلىعىنا جوعارىلادى. ول پاۆلودار مونتاج تەحنيكۋمىن، پاۆلودار مەملەكەتتىك ۋنيۆەرسيتەتىن، ماسكەۋ قازىرگى زامان بيزنەس ينستيتۋتىن، قازاق قۇقىقتانۋ جانە حالىقارالىق قاتىناستار ينستيتۋتىن بىتىرگەن. ءار جىلدارى پاۆلودار قالاسى اكىمىنىڭ ورىنباسارى، استانا قالاسىنداعى ەنەرگەتيكا جانە كوممۋنالدىق شارۋاشىلىق دەپارتامەنتىنىڭ ديرەكتورى، پاۆلودار وبلىسى اكىمنىڭ ورىنباسارى، ءبىرىنشى ورىنباسارى، قازاقستان رەسپۋبليكاسى كولىك جانە كوممۋنيكاتسيالار ۆيتسە- ءمينيسترى، «قازاقستان تەمىر جولى» ۇ ق» ا ق ۆيتسە-پرەزيدەنتى بولعان.

وڭىرلەرگە كەلسەك، ق ر پرەزيدەنتى نۇرسۇلتان نازاربايەۆتىڭ جارلىعىمەن اقتوبە وبلىسىنىڭ اكىمى بولىپ وڭداسىن ورازالين تاعايىندالدى.

وڭداسىن سەيىل ۇلى 1963 -جىلى تۋعان. اقتوبە پەداگوگيكالىق ينستيتۋتىن، قازاق مەملەكەتتىك ۋنيۆەرسيتەتىن بىتىرگەن. ەڭبەك جولىن ج و و- دا وقىتۋشىلىقتان باستاپ، كەيىننەن اقتوبە وبلىسى اكىمدىگىندە جۇمىس ىستەگەن. اقتوبە وبلىسى اكىمىنىڭ ورىنباسارى بولعان. ق ر پرەزيدەنتى اكىمشىلىگىندە لاۋازىمدى قىزمەتتەر اتقارعان. سوڭعى قىزمەتى - ق ر پرەزيدەنتىنىڭ اكىمشىلىگى باسشىسىنىڭ ورىنباسارى.

سونىمەن قاتار ق ر پرەزيدەنتى جارلىعىمەن ءومىرزاق شوكەيەۆ تۇركىستان وبلىسىنىڭ اكىمى بولىپ تاعايىندالدى.

ول 1964 -جىلدىڭ 12 -ناۋرىزىندا تۇركىستان قالاسىندا دۇنيەگە كەلگەن. ماسكەۋ ەكونوميكالىق- ستاتيستيكالىق ينستيتۋتىن جانە اسپيرانتۋراسىن بىتىرگەن. ق ر ەكونوميكا ءمينيسترى، ەكونوميكا جانە ساۋدا ءمينيسترى، ق ر پرەمەر-ءمينيسترىنىڭ ورىنباسارى، ق ر پرەزيدەنتى اكىمشىلىگى جەتەكشىسىنىڭ ورىنباسارى، قوستاناي، وڭتۇستىك قازاقستان وبلىستارىنىڭ، استانا قالاسىنىڭ اكىمى بولعان. ق ر پرەمەر- ءمينيسترىنىڭ ورىنباسارى، ءبىرىنشى ورىنباسارى، «سامۇرىق- قازىنا» ا ق باسقارماسىنىڭ ءتوراعاسى قىزمەتتەرىن اتقارعان. جاڭا تاعايىنداۋعا دەيىن ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى قىزمەتىن اتقارىپ كەلگەن.

وڭتۇستىك قازاقستان وبلىسىنىڭ بۇرىنعى جانسەيىت تۇيمەبايەۆ مەملەكەت باسشىسىنىڭ وكىمىمەن قازاقستان حالقى اسسامبلەياسى ءتوراعاسىنىڭ ورىنباسارى، قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى قىزمەتىنە تاعايىندالدى.

جانسەيىت قانسەيىت ۇلى 1958 -جىلى وڭتۇستىك قازاقستان وبلىسىندا دۇنيەگە كەلگەن، فيلولوگيا عىلىمىنىڭ كانديداتى، پروفەسسور. قازاق مەملەكەتتىك ۋنيۆەرسيتەتىن، ماسكەۋ مەملەكەتتىك الەۋمەتتىك ۋنيۆەرسيتەتىنىڭ زاڭ فاكۋلتەتىن بىتىرگەن. ق ر پرەزيدەنتى پروتوكولىنىڭ جەتەكشىسى - ق ر پرەزيدەنتىنىڭ كەڭەسشىسى، ق ر ءبىلىم جانە عىلىم ءمينيسترى، رەسەي فەدەراتسياسىنداعى، تۇركياداعى توتەنشە جانە وكىلەتتى ەلشىسى قىزمەت اتقاردى. 2016 -جىلعى 6 -قازاندا وڭتۇستىك قازاقستان وبلىسىنىڭ وتكەن جىلى 20 -ماۋسىمدا قايتا قۇرىلعان تۇركىستان وبلىسىنا اكىم بولىپ تاعايىندالعان ەدى.

ال بۇرىنعى ۇلتتىق بانك ءتوراعاسى اقىشەۆ دانيار تالعات ۇلى ق ر پرەزيدەنتىنىڭ كەڭەسشىسى قىزمەتىنە كەلدى.

ق ر پرەزيدەنتى نۇرسۇلتان نازاربايەۆتىڭ جارلىعىمەن ماديار ءسمادىل ۇلى مەڭىلبەكوۆ قازاقستان رەسپۋبليكاسىنىڭ بىرىككەن اراب امىرلىكتەرىندەگى توتەنشە جانە وكىلەتتى ەلشىسى قىزمەتىنە تاعايىندالدى.

ماديار ءسمادىل ۇلى 1978 -جىلى 8 -اقپاندا جامبىل وبلىسى، مەركى اۋدانىندا تۋعان. 2002 -جىلى ليۆيانىڭ تريپولي قالاسىنداعى يسلامعا شاقىرۋ ۋنيۆەرسيتەتىن بىتىرگەن، اراب ءتىلى جانە يسلامتانۋ باكالاۆرى. 2004 -جىلى ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ ماگيستراتۋراسىن اياقتاعان، فيلولوگيا ماگيسترى.

2002-2005 -جىلدارى نۇر-مۇباراك ەگيپەت يسلام مادەنيەتى ۋنيۆەرسيتەتىنىڭ اعا وقىتۋشىسى. 2005-2006 -جىلدارى ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ اعا وقىتۋشىسى.

2006 -جىلعى ساۋىردەن قىركۇيەككە دەيىن قازاقستان رەسپۋبليكاسى سىرتقى ىستەر مينيسترلىگى ازيا جانە افريكا دەپارتامەنتىنىڭ ءۇشىنشى حاتشىسى. 2006-2011 -جىلدارى قازاقستان رەسپۋبليكاسىنىڭ بىرىككەن اراب امىرلىكتەرىندەگى ەلشىلىگىنىڭ اتتاشەسى، ءۇشىنشى، ەكىنشى حاتشىسى.

2011-2012 -جىلدارى قازاقستان رەسپۋبليكاسى سىرتقى ىستەر مينيسترلىگى ازيا جانە افريكا دەپارتامەنتىنىڭ ءبىرىنشى حاتشىسى. 2012-2015 -جىلدارى قازاقستان رەسپۋبليكاسىنىڭ بىرىككەن اراب امىرلىكتەرىندەگى ەلشىلىگىنىڭ كەڭەسشىسى. 2015-2017 -جىلعى ساۋىرگە دەيىن قازاقستان رەسپۋبليكاسىنىڭ بىرىككەن اراب امىرلىكتەرىندەگى ەلشىلىگىنىڭ كەڭەسشى- ۋاكىلى. 2017 -جىلعى ساۋىردەن باستاپ سوڭعى تاعايىندالۋعا شەيىن قازاقستان رەسپۋبليكاسىنىڭ دۋبايداعى باس كونسۋلى قىزمەتىن اتقارعان.