اناسى مەن قىزى 70 جىلدان كەيىن كەزدەستى

 استانا. قازاقپارات - ا ق ش-تا جاڭا جىل قارساڭىندا تاڭعاجايىپ وقيعا بولدى. اناسى مەن قىزى 70 جىلدان كەيىن كەزدەسكەن.

70 جاستاعى كونني ماۋلترۋپ ءوزىنىڭ 87 جاستاعى اناسىن العاش رەت كورگەن. اناسى قىزىن تۋعان كەزدە تۇرمىستا بولماعاندىقتان بالانى ودان الىپ قويعان. دارىگەرلەر بوساندىرعان كەزدە بالا قايتىس بولدى دەپ، بالالار ۇيىنە جىبەرگەن. ال بەس جاسىندا كوننيدىڭ اسىراپ العان اناسى كوز جۇمعان. وتكەن جىلى كوننيدىڭ قىزى وعان د ن ق-تەست پەن تۋىستارىن ىزدەيتىن جۇيەگە قولجەتىمدىلىك بەرگەن. سونىڭ ارقاسىندا كونني پايدالانۋشىلار بازاسىندا تۋعان تاتەسىن تاۋىپ، كەيىن ول ارقىلى اناسىن تاپقان.

مۇنداي وقيعالار ا ق ش-تا از كەزدەسپەيدى. سەبەبى 1973 -جىلعا دەيىن جالعىزباستى اكەلەر مەن ايەلدەردىڭ بالالارىن الىپ قويىپ، قۇپيا تۇردە باسقا وتباسىلارعا اسىراۋعا بەرگەن.

 

دەرەككوز: سەگودنيا