ءۇش جىلدا ەلىمىزدەگى ورمان قورى 700 مىڭ گەكتارعا جۋىق ۇلعايدى - مينيسترلىك
بۇل تۋرالى ۇكىمەت قاۋلىسىمەن بەكىتىلگەن «ازاماتتىق قورعاۋ سالاسىنداعى 2023-2027 -جىلدارعا ارنالعان ءبىرىنشى كەزەكتەگى شارالاردىڭ كەشەندى جوسپارىندا» جازىلعان، دەپ حابارلايدى قازاقپارات ءتىلشىسى.
«تالداۋ كورسەتكەندەي، تابيعي سيپاتتاعى توتەنشە جاعدايلار سانىنىڭ ءوستى. ماسەلەن قاۋىپتى گيدرومەتەورولوگيالىق جانە گەولوگيالىق قۇبىلىستار 2019 -جىلى – 45، 2020 -جىلى – 104، 2021-جىلى - 130. ال ەلدە بولعان تابيعي ورتتەر 2019 -جىلى – 700، 2020 -جىلى – 831، 2021 -جىلى - 870.
ەلدىڭ ورمان قورى وسۋدە. ول 2019-2022 -جىلدار ارالىعىندا 12 ميلليون 938 مىڭ گەكتاردان 13 ميلليون 635 مىڭ گەكتارعا دەيىن ۇلعايدى. بۇل رەتتە وتكەن جىلى رەسپۋبليكا بويىنشا ورمان ورتتەرىنىڭ سانى 50 جاعدايعا ۇلعايدى. اتاپ ايتقاندا 2021 -جىلى 751 بولسا، بىلتىر 801 جاعداي تىركەلدى»، - دەلىنگەن كەشەندى جوسپاردا.
بۇرىن حابارلاعانىمىزداي، ازاماتتىق قورعاۋ ورگاندارىنىڭ قىزمەتكەرلەرى مەن ت ج م اسكەري قىزمەتشىلەرىنىڭ الەۋمەتتىك جاعدايىن جاقسارتۋ جانە ماتەريالدىق بازانى جاڭارتۋعا باعىتتالعان 5 جىلدىق كەشەندى جوسپار بەكىتىلدى.