اتىراۋلىق 700 دەن استام جۇرگىزۋشى كولىكتەرىنە كسەنون تاققان

None
None
اتىراۋ. قازاقپارات - اتىراۋدا جىل باسىنان بەرى 700 دەن استام جۇرگىزۋشىنىڭ كولىگىنە كسەنون تاققانى انىقتالدى، دەپ حابارلايدى قازاقپارات.

وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، اتىراۋدا كولىگىنە كسەنون، لەد شامدارىن قوندىرعان جۇرگىزۋشىلەر كوبەيگەن.

«وسىنداي جارىق شامدارىن قوندىرعان كولىك جۇرگىزۋشىلەرى جولدىڭ قارسى باعىتىنداعى جول قوزعالىسى قاۋىپسىزدىگىنە كەرى اسەرىن تيگىزىپ، كوپتەگەن نارازىلىق تۋدىرىپ وتىر. بيىلعى جىل باسىنا بەرى وسىنداي ارەكەتكە بارعان 700-دەن استام جۇرگىزۋشى اكىمشىلىك جاۋاپكەرشىلىككە تارتىلدى. ماسەلەن، 29-قاراشادا ساعات 21:05 شاماسىندا اتىراۋ قالاسىنداعى ساتپايەۆ كوشەسىندە «ۆاز-21144» ماركالى اۆتوكولىگى توقتاتىلدى. تەكسەرۋ كەزىندە جۇرگىزۋشىسى 21 جاستاعى جۇرگىزۋشىنىڭ كولىك قۇرالىنا كسەنون جارىعىن تاققانى انىقتالدى.

اتالعان جۇرگىزۋشىگە قاتىستى ق ر اكىمشىلىك قۇقىقبۇزۋشىلىق تۋرالى كودەكسىنىڭ 590-بابىنىڭ 7-بولىمىمەن (سىرتقى جارىق بەرۋ اسپاپتارىن زاڭسىز قايتا جابدىقتاعانى ءۇشىن) اكىمشىلىك حاتتاما تولتىرىلىپ، 43 755 تەڭگە كولەمىندە ايىپپۇل سالىندى» - دەپ حابارلادى دەپارتامەنتتىڭ باسپا ءسوز قىزمەتى.

ال، 1-جەلتوقساندا ساعات 23:55 شاماسىندا اتىراۋ قالاسىنداعى ازاتتىق داڭعىلىندا توقتاتىلعان «Toyota Camry» ماركالى اۆتوكولىگىنىڭ 24 جاستاعى جۇرگىزۋشىسى كولىگىنە كسەنون جارىعىن تاعۋ دەرەگىن ەكىنشى رەت قايتالاعانى بەلگىلى بولدى.

جۇرگىزۋشى ق ر اكىمشىلىك قۇقىقبۇزۋشىلىق تۋرالى كودەكسىنىڭ 590-بابىنىڭ 10-بولىمىمەن (سىرتقى جارىق بەرۋ اسپاپتار دەرەكتەرى كولىك قۇرالىنىڭ كونسترۋكتسيا تالاپتارىنا سايكەس كەلمەيتىن اۆتوكولىك باسقارعانى ءۇشىن) 14585 تەڭگە كولەمىندە ايىپپۇل تولەدى.

ەسكە سالا كەتەلىك، بۇدان بۇرىن اتىراۋدا ءبىر كۇندە 30-عا جۋىق جول- كولىك اپاتى تىركەلىپ، زارداپ شەككەندەر بارىن حابارلاعان ەدىك.

سوڭعى جاڭالىقتار