بەتپاقدالادا ەكى ادام 700 كەلى ەسىرتكىمەن ۇستالدى
بۇل تۋرالى وبلىستىق پوليتسيا دەپارتامەنتى باستىعىنىڭ ورىنباسارى، پوليتسيا پولكوۆنيگى اسىلجان قالداربەكوۆ ايتتى، دەپ حابارلايدى قازاقپارات ءتىلشىسى.
اسىلجان قالداربەكوۆتىڭ ايتۋىنشا، كۇدىكتىلەر «قاراسورا-2020» جەدەل- ىزدەستىرۋ ءىس- شارالارى اياسىندا سوزاق اۋدانىنىڭ اۋماعىندا قولعا تۇسكەن. تۇركىستان وبلىسى پ د ەسىرتكى قىلمىسىنا قارسى ءىس- قيمىل باسقارماسىنىڭ قىزمەتكەرلەرى سوزاق اپب پوليتسەيلەرى جانە جەرگىلىكتى قورىقشىلارمەن بىرگە ەسىرتكىنىڭ ءىرى پارتياسىن تاسىمالداعان «تويوتا لاند كرۋزەر» اۆتوكولىگىن ۇستاعان. جەدەل ۋاكىلدەر كولىكتى ءتىنتۋ كەزىندە ىشىنەن 37 پوليەتيلەن قاپشىعى مەن وسىمدىك تەكتەس ەسىرتكى زاتتارى بار بىرنەشە ىدىستاردى تاپقان. ساراپتاما قورىتىندىسىنا سايكەس تاركىلەنىپ الىنعان ەسىرتكى زاتى جالپى سالماعى 650 كەلىدەن اساتىن «كەپتىرىلگەن ماريحۋانا» جانە 48 كەلىگە جۋىق گاشيش بولىپ شىقتى. تەرگەۋ بارىسىندا ۇستالعان ەكى كۇدىكتىنىڭ نۇر- سۇلتان قالاسى جانە جامبىل وبلىسىنىڭ بۇرىن سوتتالعان تۇرعىندارى ەكەنى انىقتالدى. كۇدىكتىلەر ەسىرتكى سالىنعان قاپشىقتار مەن ىدىستاردى الدىن الا دايىنداپ، جامبىل وبلىسىنان شىققانى بەلگىلى بولعان. ودان ءارى ولار سوزاق اۋدانى ارقىلى جول بويىنداعى اينالما جولدارمەن قوستاناي وبلىسىنا قاراي كەتۋگە ارەكەتتەنگەن. الايدا، بەتپاقدالا اۋماعىندا كولىك جۇرمەيتىن جولدارمەن جاسىرىنىپ كەتىپ بارا جاتقان كولىكتى قورىقشى بايقاپ قالىپ، پوليتسياعا حابارلاعان.
«ۇستالعان ەر ادامداردى وقيعانىڭ بارلىق ءمان- جايىن انىقتاۋ ءۇشىن سوزاق ا پ ب- نە جەتكىزدى. اتالعان وقيعا ق ر ق ك 297-بابى 3-بولىگى «ەسىرتكى قۇرالدارىن، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، ساتىپ الۋ، ساقتاۋ، تاسىمالداۋ، جونەلتۋ نەمەسە وتكىزۋ» بويىنشا تىركەلدى. قازىرگى تاڭدا كۇدىكتىلەر قاماۋدا.
بۇگىنگى كۇنى تۇركىستان وبلىسىنىڭ پوليتسيا قىزمەتكەرلەرى كۇدىكتىلەر ەسىرتكىنىڭ ءىرى پارتياسىن قانداي ماقساتپەن تاسىمالداعانىن، سونداي- اق ءبىزدىڭ وبلىسقا ەسىرتكى قۇرالدارىن جەتكىزۋ ارنالارىن انىقتاۋدا. سوتقا دەيىنگى تەرگەۋ امالدارى جۇرگىزىلۋدە»، - دەدى اسىلجان قالداربەكوۆ.