الماتىدا 700 انا گرانت الدى
جاڭا باعدارلاما تۋرالى الەۋمەتتىك جەلىدەگى پاراقشاسىندا قالا اكىمى باقىتجان ساعىنتايەۆ جازدى.
«كوپبالالى انالاردى قولداۋ ءۇشىن ءبىرقاتار باعدارلامالار جۇزەگە اسىرىلۋدا. وتكەن جىلى بارلىق اۋداندا كوپبالالى جانە از قامتىلعان وتباسىلارىنا ارنالعان «باقىتتى وتباسى» الەۋمەتتىك جوباسىن اشتىق. جوبا اياسىندا ايەلدەردى ىسكەرلىك بەلسەندىلىككە تارتۋ ماقساتىندا «ىسكەر انا» باعدارلاماسى ىسكە اسىرىلۋدا. كۋرستا كاسىپكەرلىكتىڭ الىپپەسى ۇيرەتىلەدى. بيىل «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى اياسىندا كوپبالالى جانە از قامتىلعان وتباسىلاردان شىققان 700 گە جۋىق انا ءوز بيزنەسىن اشىپ، بيزنەس- يدەيالارىن جۇزەگە اسىرۋ ءۇشىن 200 ا ە ك- كە دەيىنگى مولشەردە گرانت الدى. بۇگىندە ولار تىگىن مەن توقىما بۇيىمدارىن، ۇلتتىق كيىم مەن اشەكەيلەردى، ىدىس- اياقتار جانە باسقا دا تاۋارلاردى شىعارادى. بۇل ونىمدەرىن ولار تۇركسىب اۋدانىندا مەتسەناتتاردىڭ قولداۋىمەن اشىلعان «ىسكەر انا» ارنايى دۇكەنىندە ساتا الادى»، - دەدى باقىتجان ساعىنتايەۆ.
بۇعان دەيىن «باقىتتى وتباسى» ورتالىقتارىنىڭ 30 مىڭعا جۋىق ادامعا قىزمەت كورسەتكەنىن جازعان بولاتىنبىز
اۆتور: گۇلميرا عوسمانالي