20:04, 02 - ءساۋىر 2020 | GMT +6
كوكشەتاۋلىق كاسىپورىن 700 گە جۋىق وكپە جەلدەتكىشىن ازىرلەۋگە دايىن
نۇر- سۇلتان. قازاقپارات - كوكشەتاۋلىق كاسىپورىن 700 گە جۋىق وكپەنى جاساندى جەلدەتۋ اپپاراتىن ازىرلەۋگە دايىن، دەپ حابارلايدى قازاقپارات.
بۇل تۋرالى ق ر يندۋستريا جانە ينفراقۇرىلىمدىق دامۋ ءمينيسترى مىندەتىن اتقارۋشى قايىربەك وسكەنبايەۆ ايتىپ بەردى. «كوكشەتاۋ قالاسىندا ءبىزدىڭ مينيسترلىككە قاراستى «تىنىس» ا ق كاسىپورنى بار. دەنساۋلىق ساقتاۋ مينيسترلىگىنىڭ مالىمدەمەسى بويىنشا، بۇل كاسىپورىن 700 گە جۋىق وكپەنى جاساندى جەلدەتۋ اپپاراتىن جاساۋعا نيەتتى. قاجەت بولسا، وسى جۇمىستى كۇشەيتۋگە دايىنبىز»، - دەدى ق. وسكەنبايەۆ ورتالىق كوممۋنيكاتسيالار قىزمەتىندە وتكەن بريفينگتە.
بۇعان دەيىن ۆەدومستۆو وكىلى قازاقستاندا كۇن سايىن 1 ميلليون ماسكا، 85 مىڭ ليتر دەزينفەكتسيالىق قۇرال شىعارىلاتىنىن حابارلاعان ەدى.