+7 (701) 759 90 19
-20 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

اباي چەللەندجىنىڭ رەكوردى: 700 ءارتىس «جەلسىز تۇندە جارىق اي» ءانىن شىرقادى

14 قاراشا 08:42
:ءبولىسۋ
اباي چەللەندجىنىڭ رەكوردى: 700 ءارتىس «جەلسىز تۇندە جارىق اي» ءانىن شىرقادى

نۇر-سۇلتان. قازاقپارات - نۇر-سۇلتان قالاسىنىڭ اكىمدىگى مەملەكەتتىك اكادەميالىق فيلارمونياسىنىڭ 700 ءارتىسى «جەلسىز تۇندە جارىق اي» ءانىن شىرقاپ، اباي شىعارماشىلىعىنا ارنالعان چەللەندجدە رەكورد جاسادى، دەپ حابارلايدى قازاقپارات ءتىلشىسى.

بۇل، اقىننىڭ 175 جىلدىق مەرەيتويى قارساڭىندا ۇيىمداستىرىلعان فلەشموبتاردىڭ ىشىندە قاتىسۋشىلار سانى جاعىنان رەكوردتىق كورسەتكىش ەكەنىن اتاپ ءوتۋ كەرەك.

بۇگىن دە قازاقستان استاناسىنىڭ فيلارمونياسى قالاداعى جەتەكشى كونسەرتتىك جانە وقۋ ورىندارىنىڭ ءبىرى بولىپ وتىر. وندا 11 شىعارماشىلىق توپ - قازاق وركەسترى، سيمفونيالىق وركەستر، ۇرمەلى اسپاپتار وركەسترى، ىشەكتى كۆارتەت، كامەرالىق حور، «سارىارقا» حالىق مۋزىكالىق انسامبلى، «شالقىما» حالىق بي انسامبلى، «قورقىت» ءداستۇرلى مۋزىكا توبى، كلاسسيكالىق جانە ەسترادالىق ۆوكال، ءداستۇرلى حالىق ءانى ءبولىمى، «الەم» ەسترادالىق بي انسامبلى جۇمىس ىستەيدى.

ەلوردالىق فيلارمونيانىڭ ابىرويىن اسقاقتاتىپ، ماقتانىشىنا اينالعان ونەرپازدار از ەمەس. ولاردىڭ قاتارىندا، ەلىمىزدىڭ مۋزىكا قايراتكەرلەرى: ق ر حالىق ءارتىسى نۇرجامال ۇسەنبايەۆا، قازاقستان رەسپۋبليكاسىنىڭ ەڭبەك سىڭىرگەن ءارتىسى مايرا ءىلياسوۆا، قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى ايتقالي جايىموۆ («پاراسات» وردەنىنىڭ يەگەرى)، ايگۇل قوسانوۆا، ەرنار مىڭتايەۆ، بيبىگۇل جانۇزاق، ازامات جىلتىركوزوۆ، التىناي جورابايەۆا، گۇلزيرا بوكەيحان، «قۇرمەت» وردەنىنىڭ يەگەرى ابدۋراسۋل ەسەكەيەۆ، نۇراي تانابايەۆ، نۇرلان بەكەنوۆ، شولپان قورعانبەك، ارايلىم راحىم قىزى جانە باسقالارىن ايتۋعا بولادى.

فيلارمونيانىڭ سوليستەرى مەن مۋزىكالىق توپتارى ابايدىڭ ايگىلى «جەلسىز تۇندە جارىق اي» ءانىن اكاپەللا ورىندادى. باس ديرەكتور ەرلان داكەنوۆ ابايدىڭ مەرەيتويىن اتاپ ءوتۋ ماڭىزدىلىعىنا توقتالىپ، ەستافەتانى ۇجىم اتىنان قازاقستان جانە رەسەي فەدەراتسياسىنىڭ فيلارمونيالارىنا جولدادى.

اۆتور: ايان بەكەن ۇلى


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات