22:05, 16 - قىركۇيەك 2019 | GMT +6
ەلوردادا 700 گە تارتا اۆتوبۋس جۇرگىزۋشىسى جەتىسپەيدى
نۇر- سۇلتان. قازاقپارات - ەلوردادا 700-گە تارتا اۆتوبۋس جۇرگىزۋشىسى جەتىسپەيدى. بۇل تۋرالى بريفينگتە «Astana LRT» ج ش س باسقارما ءتوراعاسىنىڭ ورىنباسارى باۋىرجان سەيتوۆ ءمالىم ەتتى،
دەپ حابارلايدى قازاقپارات ءتىلشىسى.
«ءبىزدىڭ تاراپىمىزدان اۆتوبۋس جۇرگىزۋشىلەرىن ىرىكتەۋ بويىنشا قاجەتتى شارالاردى ىسكە اسىرۋدامىز. زەينەت جاسىنا جەتكەن جۇرگىزۋشىلەر زەينەتكەرلىككە شىعىپ جاتىر، ال جاستار وسى كاسىپكە كەلۋگە قىزىعۋشىلىق تانىتپاۋدا»، دەيدى «Astana LRT» ج ش س وكىلى. ونىڭ سوزىنە قاراعاندا، اۆتوبۋس پاركتەرى تاراپىنان لايىقتى ەڭبەكاقى بولۋى پىسىقتالۋدا.
«نۇر- سۇلتان قالاسىندا جۇرگىزۋشىلەر تاپشىلىعى بار، بۇگىندە 700-گە جۋىق ادام جەتىسپەيدى»، - دەدى ب. سەيتوۆ.