رەسپۋبليكا بويىنشا 700 دەن استام كوپبالالى وتباسى باسپاناعا قول جەتكىزدى
بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ قازاقپارات حابارلايدى.
ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ تاپسىرمالارىن ورىنداۋ اياسىندا وڭىرلەردە كوپبالالى وتباسىلارعا تۇرعىن ءۇي بەرۋ باستالدى.
«اعىمداعى جىلدىڭ 30- ساۋىرىندە كوپبالالى وتباسىلاردى تۇرعىن ۇيمەن قامتاماسىز ەتۋ ماقساتىندا پارلامەنت تۇرعىن ءۇي قاتىناستارى جونىندە زاڭ قابىلدادى. اعىمداعى جىلدىڭ مامىر ايىندا بۇكىل ەل بويىنشا 2019-جىلى جوسپارلانعان 6 مىڭ وتباسىنىڭ 1,2 مىڭ كوپبالالى وتباسىن تۇرعىن ۇيمەن قامتاماسىز ەتۋ جوسپارلانىپ وتىر. بۇگىنگى تاڭدا ەلىمىزدىڭ ءار وڭىرىندە 714 كوپ بالالى وتباسى تۇرعىن ۇيمەن قامتاماسىز ەتىلدى» دەلىنگەن حابارلامادا.
جەرگىلىكتى اتقارۋشى ورگانداردىڭ دەرەكتەرى بويىنشا، قازىرگى ۋاقىتتا قازاقستاندا تۇرعىن ءۇي الۋ كەزەگىندە 32 مىڭ كوپبالالى وتباسى تۇر. كوپبالالى وتباسىلاردى تۇرعىن ۇيمەن قامتاماسىز ەتۋ بويىنشا قويىلعان مىندەتتەردى جۇزەگە اسىرۋ بارىسى ەرەكشە باقىلاۋعا الىنعان.