اقتوبە فۋتبول كومانداسىنىڭ بۇرىنعى ديرەكتورى 700 مىڭ تەڭگە مورالدىق شىعىندى ءوندىردى
بۇگىن سوت ازاماتتىق ارىز بويىنشا شەشىم شىعاردى، دەپ حابارلايدى قازاقپارات ءتىلشىسى.
«اقتوبە» ف ك بۇرىنعى باس ديرەكتورى دميتري ۆاسيليەۆ مەملەكەت قارجىسىن تالان-تاراجعا سالعانى ءۇشىن جازالانىپ، كەيىن جوعارى سوتتا اقتالىپ شىقتى. سوت ۇكىمىن قولىنا العان ەكس-باس ديرەكتورى د. ۆاسيليەۆ №2 -اقتوبە قالالىق سوتىنا ارىز ءتۇسىردى. ول جۇمىس ورنىنا قايتا كەلىپ، «اقتوبە» ف ك باسقارۋدى قالادى. ءارى تاركىلەنگەن مۇلكى مەن ەسەپشوتىن قايتارۋدى تالاپ كەتتى. سوت قىزمەتىنە قايتا ورنالاسۋ تۋرالى ءوتىنىشىن قاناعاتتاندىرمادى. ال ەسەپشوتى مەن بارلىق جيناعان قارجىسى وزىنە بەرىلدى.
كەيىن دميتري ۆاسيليەۆ №2-اقتوبە قالالىق سوتىنا ازاماتتىق ارىز ءتۇسىرىپ، 1 ميلليارد تەڭگە مورالدىق شىعىندى تالاپ كەتتى.
سۋديا ايگۇل قاراجانوۆا 700 مىڭ تەڭگە مورالدىق شىعىندى ق ر قارجى مينيسترلىگىنەن وندىرۋگە شەشىم شىعاردى. سونىمەن قاتار، سوت وتىرىسى كەزىندە جولاقىعا جۇمسالعان 195 مىڭ تەڭگەدەن استام قارجىنىڭ وندىرىلەتىنى بەلگىلى بولدى. بۇل شەشىممەن دميتري ۆاسيليەۆ كەلىسكەن جوق. ول جوعارى سوتقا دەيىن باراتىنىن جەتكىزدى.