نۇر- سۇلتاندا 70 مىڭ ادامعا جەتەرلىك پاراتسەتامول 30 مينۋتتا ساتىلىپ كەتكەن
بۇل دەرەكپەن دەنساۋلىق ساقتاۋ ءمينيسترى الەكسەي سوي ءبولىستى، دەپ حابارلايدى قازاقپارات ءتىلشىسى.
«كەشە نۇر-سۇلتان قالاسىندا 70 مىڭ ادامعا ارنالعان پاراتسەتامول ءدارىسىنىڭ مولشەرى ءدارىحانالارعا تاراتىلعان بولاتىن. جارتى ساعاتتىڭ ىشىندە عانا ونىڭ ءبارى ساتىلىپ كەتتى. قازىرگى ۋاقىتتا ينتەرنەتتە بۇل دارىلەر قايتا ساتىلا باستاعانىن كورىپ وتىرمىز. ءبىزدىڭ ۋاكىلەتتى ورگاندارىمىز بۇل ماسەلەنى ءجىتى باقىلاۋىنا الادى. سىرقات تانۋ جاعىنان ەلوردادا وسىنشاما پاراتسەتامولدى قاجەت ەتەتىندەي ناۋقاستار سانى جوق. تيىسىنشە بۇل پرەپاراتتاردى كەيبىرەۋلەر ساتىپ الىپ، قىمباتقا ساتىپ جاتىر دەگەن ءسوز. جەتىسپەۋشىلىك وسىلايشا قولدان جاسالىپ وتىر نەمەسە دەنە قىزۋى جوق ادامدار ءدارىنى ساتىپ الۋدا»، - دەدى الەكسەي سوي و ك ق- دا وتكەن باسپا ءسوز ءماسليحاتىندا.
ەسكە سالا كەتسەك الەكسەي سوي بۇعان دەيىن قازاقستانعا پاراتسەتامولدىڭ 700 مىڭ قاپتاماسى جەتكىزىلگەنىن، تاعى 800 مىڭى كۇتىلىپ وتىرعانىن حابارلاعان ەدى.
اۆتور: ايان بەكەن ۇلى