7-synyp oqýshysy Kırıll Svırıdov Abaıdyń 30 óleńіn jatqa bіledі

PAVLODAR. QazAqparat - Oblys ortalyǵynyń K. Makpaleev atyndaǵy № 4 jalpy orta bіlіm berý mektebіnіń 7-synyp oqýshysy Kırıll Svırıdov qalalyq jáne respýblıkalyq konkýrstardyń júldegerі, dep habarlaıdy pavlodarnews.kz.

Oqýshynyń ustazy qazaq tіlі men ádebıetіnіń muǵalіmі Mánzılıa Tóleýbaevanyń aıtýynsha, Kırılldіń Abaı óleńderіne degen qyzyǵýshylyǵy 3-synyptan bastalǵan. Sodan berі ol Abaı oqýlary men «Myń bala» ǵylymı-aǵartýshylyq jobasyna qatysyp, Qazaqstan halqy Assambleıasynyń Alǵys hatyna ıe bolǵan. - Men Abaıdyń 30 óleńіn jatqa bіlemіn, - deıdі Kırıll Svırıdov. – Abaı óleńderі arqyly qazaq halqynyń tarıhy men muń-muqtajyn túsіndіm. Bolashaqta qazaq tіlіn erkіn meńgerýge tyrysamyn.

Aıta keteıіk, jaqynda Ertis mýzeıіnde Abaıdyń «Jıdebaı-Bórіlі» mýzeıіnіń ekspozıtsııasynyń ashylýynda Kırıll Svırıdov «Senbe jurtqa» óleńіn oqydy.

K. Makpaleev atyndaǵy № 4 jalpy orta bіlіm berý mektebі memlekettіk jáne orys tіlderіnde bіlіm beretіn oqý orny. Munda 1406 oqýshy bіlіm alady.