ەلوردادا 7- جانە 9- مامىر مەرەكەلەرىنە وراي ءبىرجولعى الەۋمەتتىك تولەمدەر جاسالادى

استانا. قازاقپارات - استانا قالاسى جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى يليا سكۋب وتان قورعاۋشى جانە جەڭىس كۇنىنە ارنالعان الەۋمەتتىك تولەمدەر تۋرالى ايتىپ بەردى، دەپ حابارلايدى قازاقپارات ءتىلشىسى.

«7- مامىر كۇنى ەلوردادا وتان قورعاۋشى كۇنى اتالىپ وتەدى. وسى ورايدا اكىمدىكتە قالا ءماسليحاتى بەكىتكەن ەرەجەگە سايكەس، ءبىرجولعى تولەمدەر قاراستىرىلعان. بۇل باعىتتا قالا بويىنشا 250 ميلليون تەڭگە ءبولىندى. بۇل رەتتە، جەڭىلدىكتەر بويىنشا ەكىنشى دۇنيەجۇزىلىك سوعىسى ارداگەرلەرىنە تەڭەستىرىلگەن ارداگەرلەرگە 35 ا ە ك (120750 تەڭگە) كولەمىندە تولەم جاسالادى. قازىرگى كەزدە قالادا وسى ساناتتاعى 436 ادام بار»، - دەدى يليا سكۋب استانا قالاسى كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن قاتار، باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى دە 120 مىڭ تەڭگە سوماسىندا ءبىرجولعى تولەم الادى. استانادا وسى ساناتتاعى 899 ادام تۇرىپ جاتىر.

«بۇدان بولەك، قازاقستان رەسپۋبليكاسىنىڭ «ارداگەرلەر تۋرالى» زاڭىنىڭ كۇشى قولدانىلاتىن تاعى ءبىر سانات بار. وسى ورايدا تىل ەڭبەككەرلەرى، قازا تاپقان اسكەري قىزمەتشىلەردىڭ وتباسىلارى، ەكىنشى دۇنيەجۇزىلىك سوعىس مۇگەدەگىنىڭ ارتىنان قالعان زايىبى 11 ا ە ك (37950 تەڭگە) كولەمىندە ءبىرجولعى تولەم الادى. قالادا بۇل ساناتقا جاتاتىن 2316 ادام تىركەلگەن. جالپى، العاندا بۇل باعىتتا استاناداعى 3800 گە جۋىق ادام قامتىلادى»، - دەدى باسقارما باسشىسى.

اتاپ ايتقاندا، ەلورداداعى مايدانگەرلەرىنە جەڭىس كۇنىنە وراي 1,5 ميلليون تەڭگەدەن بەرىلەدى. قازىرگى كەزدە قالادا 10 ارداگەر تۇرىپ جاتىر.