+7 (701) 759 90 19
+20 °С : نۇر-سۇلتان
+24 °С : الماتى
USD 428.71 EUR 519.12
RUB 5.79 CNY 66.61
جاڭالىقتار

ەلوردادا 7- جانە 9- مامىر كۇندەرى وتەتىن مەرەكەلىك ءىس-شارالار كەستەسى جاريالاندى

4 مامىر 20:14
:ءبولىسۋ
ەلوردادا 7- جانە 9- مامىر كۇندەرى وتەتىن مەرەكەلىك ءىس-شارالار كەستەسى جاريالاندى

نۇر-سۇلتان. قازاقپارات - ەلوردادا الداعى 7- مامىر - وتان قورعاۋشىلار كۇنى جانە 9- مامىر - جەڭىس كۇنى مەرەكەلەرىنە ارنالعان ءىس-شارالار ءتىزىمى جاريالاندى.

كارانتيندىك شارالارعا بايلانىستى ءىس-شارالاردىڭ ءبارى ونلاين وتەدى، دەپ حابارلايدى قازاقپارات قالا اكىمدىگىنە سىلتەمە جاساپ.

ەلوردانىڭ مەكتەپتەرىندە 6- مامىرعا دەيىن وتان قورعاۋشىلار كۇنى مەن جەڭىس كۇنىنە ارنالعان سىنىپ جانە كۋراتور ساعاتتارى، اسكەري-پاتريوتتىق تاربيەدەگى اندەردىڭ ونلاين بايقاۋى وتەدى.

ونلاين شارالاردى Instagram جەلىسىندەگى «استانا جاستارى» جانە «جاس سارباز» پاراقشالارىنان كورۋگە بولادى. ەلوردانىڭ «ءبىلىم-يننوۆاتسيا» ليتسەي-ينتەرناتى» 5- مامىر كۇنى مەرەكەگە وراي «ءبىر ۇزىك سىر» سۇحباتىن وتكىزەدى.

سىر-سۇحباتتى ءبىلىم مەكەمەسىنىڭ Instagram جەلىسىندەگى رەسمي پاراقشاسىنان تاماشالاۋعا بولادى.

4№ قالالىق ەمحانادا ۇ و س ارداگەرلەرى مەن وعان تەڭەلگەن تۇلعالارعا ارناپ مەديتسينالىق تەكسەرۋ ۇيىمداستىرىلادى. ال 2№ قالالىق ەمحانا سوعىس ارداگەرلەرىنە ارنالعان ءۇي كۇتىمى جونىندەگى دارىگەرلەر كەڭەسىن وتكىزەدى. بۇل شارالار 6- مامىرعا دەيىن جالعاسادى.

«ساياسي قۋعىن-سۇرگىن جانە توتاليتاريزم قۇرباندارىنىڭ «الجير» مەموريالدى-مۇراجاي كەشەنى «مالينوۆكا» ىزدەۋ كلۋبىمەن بىرلەسىپ، 5- مامىر كۇنى تىل ارداگەرلەرىمەن، «اۋعان سوعىسىنىڭ ارداگەرلەرى مەن مۇگەدەكتەرى» ق ب وكىلدەرىمەن، سونداي-اق «ەرلىككە تاعزىم، ارداگەرگە - قۇرمەت» اسكەري قىزمەتشىلەرىمەن كەزدەسۋ وتكىزەدى.

سونىمەن قاتار 5-10- مامىر ارالىعىندا ۇ و س جاۋىنگەرلەرىنە ارنالعان مونۋمەنتالدى كەشەنگە، «وتان قورعاۋشىلار» مەموريالدىق كەشەنىنە، م. مامەتوۆا، ب. مومىش ۇلى ەسكەرتكىشتەرىنە ونلاين ەكسكۋرسيا جۇرگىزىلەدى.

تولىق مالىمەتتەردى مادەنيەت باسقارماسىنان، بىرىككەن مۇراجايلار ديرەكتسياسىنان، تاريحي-مادەني مۇرانى ساقتاۋ ورتالىعىنان الۋعا بولادى.

7- مامىر - وتان قورعاۋشىلار كۇنى Qazaqstan تەلەارناسى «اقيقات پەن اڭىز» كونسەرت- سپەكتالىن ۇسىنادى. وتان قورعاۋشىلار كۇنىنە وراي «ANK LivE « ستۋدياسىنىڭ تىكەلەي ەفيرى ق ر قورعانىس مينيسترلىگىنىڭ وكىلەرىمەن وتەتىن ءىس- شارانى ۇسىنادى.

ونلاين شارانى Facebook، Instagram الەۋمەتتىك جەلىسىنەن كورۋگە بولادى.

نۇر-سۇلتان قالاسى فيلارمونياسى وركەسترى 8- مامىر كۇنى 22 ۇ و س ارداگەرىنە ارناپ كوشپەلى كونسەرت ۇيىمداستىرادى. سول كۇنى Jas sarbaz اسكەري-پاتريوتتىق جوباسى اياسىندا ارداگەرلەرگە ازىق-تۇلىك سەبەتى تابىس ەتىلەدى.

ال 9- مامىر - جەڭىس كۇنىنە وراي ەلوردا كوشەلەرىندە «جەڭىس جولدارىمەن» ءموبيلدى ءىس- شاراسى وتەدى. ءدال وسى كۇنى «حابار» تەلەارناسىندا «ەر ەسىمى - ەل ەسىندە» كونسەرتى جۇرتشىلىق نازارىنا ۇسىنىلاتىنىن ەسكە سالا كەتەيىك.

ايتا كەتەيىك، ەلورداداعى ءىس-شارالاردىڭ ءبارى سانيتارلىق نورمالاردى تولىقتاي ساقتاي وتىرىپ وتەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات