سامۇرىق- قازىنانىڭ قارىزى 7,5 تريلليون تەڭگەدەن اسادى

نۇر- سۇلتان. قازاقپارات - «سامۇرىق- قازىنانىڭ» بيۋدجەتكە بەرگەنىنەن، العانى كوپ. ءماجىلىس وتىرىسىندا دەپۋتات امانجان جامالوۆ ادام شوشىرلىق دەرەكتەر ايتتى.

سوزىنە سەنسەك، قوردىڭ قازىرگى قارىزى 7 جارىم تريلليون تەڭگەدەن اسادى. بۇل شامامەن 18 ميلليارد دوللار. ءماجىلىس دەپۋتاتى قوردىڭ جۇمىسىن مۇقيات تەكسەرۋ قاجەتتىگىن ايتىپ وتىر. سوسىن «سامۇرىقتىڭ» بايلىعىن ەلگە تاراتىپ بەرۋ كەرەك دەگەن ۇسىنىسقا دا پىكىر ءبىلدىردى.

امانجان جامالوۆ، ق ر پارلامەنتى ءماجىلىسىنىڭ دەپۋتاتى:

- وسى كۇنى قورداعى قارجىنى ءاربىر ادامعا ۇلەستىرىپ بەرۋ تۋرالى ۇسىنىستار ايتىلىپ جاتىر. ءبىر قاراعاندا، جاقسى يدەيا. ءبىراق ەسەپتەي كەلە، «سامۇرىق- قازىنانىڭ» قازىرگى قارجىلىق جاعدايىنداعى مۇنداي ۇلەستەن تۇسەتىن تابىس ايىنا ءبىر ادامعا نەبارى 500 تەڭگەنى قۇرايدى. سول سەبەپتى شۋ كوتەرگەنشە، قوردىڭ نەلىكتەن بۇلاي ءتيىمسىز بولىپ قالعانىن ءجىتى زەرتتەۋ كەرەك.

www.24.kz