ماڭعىستاۋعا بىرىككەن اراب امىرلىكتەرىنەن 7,5 مىڭ توننا گۋمانيتارلىق كومەك كەلدى
7,5 مىڭ توننا جۇك تيەلگەن اۋە كەمەسى اقتاۋ حالىقارالىق اۋەجايىنا كەلىپ قوندى، دەپ حابارلايدى قازاقپارات.
كەلگەن كومەكتىڭ ىشىندە 25 وكپەنى جاساندى جەلدەتۋ اپپاراتى، 95 مىڭ بەتپەردە، 100 مىڭ انتيدەنەنى انىقتايتىن تەست، 250 مىڭ مەديتسينالىق قولعاپ، 15 مىڭ قورعانىش حالاتى جانە 6 مىڭ قورعانىش جاپقىشى بار.
بۇل مەديتسينالىق جابدىقتار ماڭعىستاۋ وبلىسىنداعى بارلىق قالا مەن اۋداندارداعى مەديتسينالىق ۇيىمدارعا ۇلەستىرىلىپ بەرىلەدى.
گۋمانيتارلىق كومەكتىڭ دۇرىس ءبولىنىپ، ماقساتتى جۇمسالۋىن ءار قالا مەن اۋداندا ارنايى قۇرىلعان كوميسسيا قاداعالايدى.
كوميسسيا قۇرامىنا جەرگىلىكتى دەپۋتاتتار، قوعام بەلسەندىلەرى مەن مەملەكەتتىك ورگان وكىلدەرى ەنەدى.
ماڭعىستاۋ ءوڭىرىنىڭ باسشىسى كومەك قولىن سوزعان ابۋ دابي امىرلىگىنىڭ تاق مۇراگەرى، بىرىككەن اراب امىرلىكتەرىنىڭ قارۋلى كۇشتەرى باس قولباسشىسىنىڭ ورىنباسارى شەيح مۇحاممەد بەن زايد ءال ناحايان مەن ابۋ دابي بيلەۋشى اۋلەتىنىڭ وكىلى شەيح سۋرۋر بەن مۇحاممەد ءال ناحايانعا ريزاشىلىعىن ءبىلدىردى.