الماتىدا 7 ميلليون 400 مىڭ ماسكا تاركىلەندى

الماتى. قازاقپارات - الماتى قالالىق سىبايلاس جەمقورلىققا قارسى كۇرەس قىزمەتى ب ا ق بەتتەرىندە جاريالانعان اقپاراتقا تالداۋ جاساۋ ارقىلى مەديتسينالىق بۇيىمداردى زاڭسىز ساتۋ دەرەكتەرىن اشكەرەلەدى، دەپ حابارلايدى قازاقپارات ءتىلشىسى.

جەدەل تەرگەۋ جۇمىستارى بارىسىندا قۇنى 27 ميلليون تەڭگە بولاتىن 1 ميلليون ماسكا تاركىلەندى. زاڭسىز ساۋدامەن اينالىسقان ادامدارعا قاتىستى ق ر 189-بابىمەن قىلمىستىق ءىس قوزعالدى. بەلگىلى بولعانداي، بۇيىمدار استىرتىن قويمادان شىققان. ەكونوميكالىق تەرگەۋ دەپارتامەنتى قىزمەتكەرلەرى سول جەرگە بارىپ، جەدەل تەرگەۋ امالدارىن جۇرگىزدى. ءتىنتۋ بارىسىندا 6 ميلليون 400 مىڭ ماسكا تابىلدى. جالپى كەشە الماتى قالالىق سىبايلاس جەمقورلىققا قارسى كۇرەس قىزمەتى 7 ميلليون 400 مىڭ ماسكا تاركىلەدى.

اۆتور: گۇلميرا عوسمانالي