+7 (701) 759 90 19
-9 °С : نۇر-سۇلتان
-1 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

دالەنوۆ: 7 ميلليون ادام تۇراتىن  3477 اۋىل جاڭعىرتىلادى

3 جەلتوقسان 10:30
:ءبولىسۋ
دالەنوۆ: 7 ميلليون ادام تۇراتىن  3477 اۋىل جاڭعىرتىلادى

نۇر- سۇلتان. قازاقپارات - 7 ميلليون ادام تۇراتىن 3477 اۋىل جاڭعىرتىلادى. بۇل تۋرالى بۇگىن ۇكىمەت وتىرىسىندا وڭىرلەردى دامىتۋدىڭ 2020-2025 -جىلدارعا ارنالعان مەملەكەتتىك باعدارلاماسىنىڭ جوباسىن تانىستىرعان ۇلتتىق ەكونوميكا ءمينيسترى رۋسلان دالەنوۆ ايتتى، دەپ حابارلايدى قازاقپارات ءتىلشىسى.

«اۋىل - ەل بەسىگى» جوباسى اياسىندا اۋىل تۇرعىندارىنىڭ 90 پايىزى نەمەسە 7 ميلليون ادام تۇراتىن 3477 اۋىل جاڭعىرتىلادى. ولار ساپالى ينفراقۇرىلىمعا قول جەتكىزەتىن بولادى. بۇل: سۋ، جارىق، جىلۋ، جول جەلىلەرى، مەكتەپتەر، اۋرۋحانالار جانە باسقالار. اۋىلداعى ءومىر جاقسارىپ، تارتىمدىلىعى ارتادى. بۇل اۋىل تۇرعىندارىنىڭ ءومىر ءسۇرۋ ساپاسىن ارتتىرۋعا اسەر ەتەدى»، - دەدى ول.

ءمينيستردىڭ اتۋىنشا، باعدارلاما اياسىندا قارجىلاندىرۋ بازالىق ينجەنەرلىك ينفراقۇرىلىمعا جانە الەۋمەتتىك نىساندارعا باعىتتالادى. مەملەكەتتىك جانە جەرگىلىكتى باعدارلامالاردى قارجىلاندىرۋ حالىق ءۇشىن قولايلى جاعدايلار جاساۋعا جۇمسالاتىن بولادى.

«قالالاردا باسقارىلاتىن ۋرباندالۋ ارقىلى اۋقىمدى نارىق داميدى جانە ەڭبەك رەسۋرستارىنىڭ موبيلدىگى ءۇشىن جاعدايلار جاسالادى. يننوۆاتسيالىق تەحنولوگيالار داميتىن بولادى. اۋىلداردا شامامەن 7 ميلليون اۋىل تۇرعىندارىنىڭ ءومىر ءسۇرۋ ساپاسى جاقسارادى. ادامدار ساپالى اۋىز سۋمەن قامتاماسىز ەتىلەتىن بولادى. اۋىلداردىڭ اۋدان جانە وبلىس ورتالىقتارىمەن كولىكتىك بايلانىسى جاقسارادى. وڭىرلىك ستاندارتتار جۇيەسى ارقىلى قالالار مەن اۋىلداردى دامىتۋ پروتسەسىن جۇيەلەندىرۋ حالىقتىڭ ءومىر ءسۇرۋ جاعدايلارىن ساپالى تۇردە جاقسارتۋعا مۇمكىندىك بەرەدى»، - دەدى رۋسلان دالەنوۆ.

ونىڭ ايتۋىنشا، باعدارلامانى جۇزەگە اسىرۋعا بارلىعى 1,3 تريلليون تەڭگە ءبولۋ كوزدەلەدى. ونىڭ ىشىندە اۋىلداردى دامىتۋعا 2026 -جىلعا دەيىن 900 ميلليارد تەڭگە ءبولۋ تۋرالى ماسەلە قوسىمشا پىسىقتالىپ جاتىر.

«ۋرباندالۋ دەڭگەيىن 62 پايىزعا دەيىن جەتكىزۋ جوسپارلانادى. ۋرباندالۋ جالپى ىشكى ءونىمدى 0,52 پروتسەنتكە قوسىمشا ارتتىرۋعا مۇمكىندىك بەرەدى. وڭىرلىك تەڭسىزدىكتەر قىسقارادى. حالىقتىڭ ناقتى اقشالاي تابىستارى 25 پايىزعا وسەدى. باعدارلامانىڭ نەگىزگى ناتيجەسى قالالاردا، اۋدان ورتالىقتارىندا جانە اۋىلداردا تۇراتىن ازاماتتاردىڭ ءال- اۋقاتىن ارتتىرۋ بولادى. رەسۋرستار مەن ينفراقۇرىلىمدى شوعىرلاندىرۋ ەلدىڭ ەكونوميكالىق ءوسىمىن كۇشەيتەدى»، - دەدى رۋسلان دالەنوۆ.

اۆتور: مارلان جيەمباي


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات