سولتۇستىك قازاقستاندا ون جىلدا حالىق سانى 7,3 پايىز ازايعان، ورتاشا جالاقى - 177 مىڭ تەڭگە

استانا. قازاقپارات - ۇلتتىق ەكونوميكا مينيسترلىگى سولتۇستىك قازاقستان وبلىسىنىڭ ەكونوميكالىق دامۋى تۋرالى ستاتيستيكالىق مالىمەت جاريالادى، دەپ حابارلايدى قازاقپارات.

سولتۇستىك قازاقستان وبلىسى رەسپۋبليكانىڭ اگرارلىق-يندۋستريالدى ايماعىنا جاتادى.

وبلىس سولتۇستىگىندە رەسەيمەن (ومبى، تۇمەن جانە قورعان وبلىستارىمەن)، شىعىسىندا پاۆلودارمەن، وڭتۇستىگىندە اقمولا، باتىسىندا قوستاناي وبلىستارىمەن شەكتەسەدى.

وبلىستا 1 وبلىستىق ماڭىزى بار قالا، 4 اۋداندىق ماڭىزى بار قالا، 13 اۋدان، 635 كەنت، 186 اۋىلدىق وكرۋگ بار.

سولتۇستىك قازاقستان وبلىسى حالقىنىڭ سانى 2023-جىلعى 1- قاڭتارداعى جاعداي بويىنشا 534108 ادامدى قۇرادى، ونىڭ ىشىندە قالا حالقى - 258927 ادام، اۋىل حالقى - 275181 ادام.

سوڭعى ون جىلدا وبلىس حالقىنىڭ سانى 7,3 پايىز قىسقاردى (2012-جىلعى 579700 ادامنان 2022-جىلعى 534108 ادامعا دەيىن).

دەموگرافيالىق جاعداي حالىق سانىنىڭ ازايۋىمەن سيپاتتالادى، ول تەك كوشى- قون اعىنىنىڭ ەسەبىنەن عانا ەمەس، سونىمەن بىرگە 2020-جىلدان باستاپ تابيعي تومەندەۋ ەسەبىنەن دە ازايۋدا (2022-جىلى 1000 ادامعا -0,7).

اسىرەسە، اۋىلداردى قونىستاندىرۋ ءۇردىسى بايقالاتىن شەكارالاس ايماقتاردا ماسەلە وتكىر بولىپ تۇر.

بۇل رەتتە وبلىستاعى جالپى حالىقتىڭ 41 پروتسەنتى (222 مىڭ ادام) وبلىس ورتالىعى پەتروپاۆلدا تۇرادى.

بىلتىر وبلىستىڭ ج و ءو كولەمى 2122,8 ميلليارد تەڭگەنى قۇرادى، وبلىستىڭ جالپى ىشكى ونىمدەگى ۇلەسى 2 پايىز (1990 ج. - 7,3 پايىز، 2000 ج. - 2,7 پايىز، 2012 ج. - 2,2 پايىز).

جان باسىنا شاققانداعى ج و ءو - $8 591,7 (2012 ج. - $7 837,2).

وبلىستىڭ ەڭبەك نارىعىنداعى جاعداي جالاقىنىڭ تومەن دەڭگەيىمەن سيپاتتالادى (2022-جىلعى قاڭتار-قىركۇيەككە - 222,6 مىڭ تەڭگە، رەسپۋبليكا بويىنشا 19 ورىن، ق ر - 299,4 مىڭ تەڭگە).

بۇل رەتتە 2022-جىلى ورتاشا جالاقى 177,5 مىڭ تەڭگە (ق ر - 204,1 مىڭ تەڭگە) بولدى.