07:40, 20 - ماۋسىم 2018 | GMT +6
بەس ايدا قازاقستانداعى التىن ءوندىرىسىنىڭ كولەمى 7,2 پايىز ارتتى
استانا. قازاقپارات - 2018 -جىلدىڭ قاڭتار- مامىر ايلارىندا وندىرىلگەن وڭدەلمەگەن جانە جارتىلاي وڭدەلگەن نەمەسە ۇنتاق تۇرىندەگى التىننىڭ كولەمى 36621 كەلىنى قۇرادى.
بۇل كورسەتكىش 2017 -جىلدىڭ اتالمىش ايلارىمەن سالىستىرعاندا 7,2 پايىزعا جوعارى، دەپ حابارلايدى قازاقپارات ءتىلشىسى ق ر ۇلتتىق ەكونوميكا مينيسترلىگى ستاتيستيكا كوميتەتىنە سىلتەمە جاساپ.
ەسەپتىك كەزەڭدە وڭدەلمەگەن جانە جارتىلاي وڭدەلگەن نەمەسە ۇنتاق تۇرىندەگى كۇمىستىڭ ءوندىرىس كولەمى 410532 كەلىنى قۇراعان، بۇل - بىلتىرعى كورسەتكىشپەن سالىستىرعاندا 7,7 پايىزعا تومەن.