قازاقستاندا «7-20-25» باعدارلاماسى ارقىلى قانشا مىڭنان استام وتباسى باسپانالى بولدى؟

نۇر-سۇلتان. قازاقپارات - «7-20-25» باعدارلاماسى ارقىلى 10676 وتباسى باسپانالى بولدى.

بۇل تۋرالى بۇگىن ۇكىمەت وتىرىسىندا ق ر ۇلتتىق بانكى ءتوراعاسى ەربولات دوسايەۆ ايتتى، دەپ حابارلايدى قازاقپارات ءتىلشىسى.

«7-20-25» باعدارلاماسىن ىسكە اسىرۋ اياسىندا 7- قاراشاداعى جاعداي بويىنشا 10676 وتباسى 122,8 ميلليارد تەڭگە سوماعا قارىز الدى»، - دەدى ۇ ب ءتوراعاسى.

ونىڭ اتاپ وتۋىنشە، ەكونوميكانىڭ باسىم سالالارىن جەڭىلدىكپەن كرەديتتەۋ باعدارلاماسىنا 600 ميلليارد تەڭگە ءبولىندى. باعدارلامانى ىسكە اسىرۋ جالعاسىپ جاتىر.

«1- قاراشاداعى جاعداي بويىنشا بانكتەردە 248 ميلليارد تەڭگەگە 393 جوبا قارالۋدا. 142,3 ميلليارد تەڭگەگە 224 جوبا ماقۇلداندى. 55,5 ميلليارد تەڭگەگە 147 قارىز بەرىلدى»، - دەدى ە. دوسايەۆ.