+7 (701) 759 90 19
-2 °С : نۇر-سۇلتان
-3 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

باسپانا الۋ: «7-20-25» باعدارلاماسىنىڭ تيىمدىلىگى نەدە؟

10 قىركۇيەك 13:52
:ءبولىسۋ
باسپانا الۋ: «7-20-25» باعدارلاماسىنىڭ تيىمدىلىگى نەدە؟

نۇر-سۇلتان. قازاقپارات - 2018-جىلعى 31- مامىردا ق ر ۇلتتىق بانكى «-20-25» ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» يپوتەكالىق تۇرعىن ءۇي كرەديتتەۋ باعدارلاماسىن بەكىتۋ تۋرالى قاۋلى قابىلدادى.

وسى ورايدا KAZ. NUR. KZ سىزدەرگە «7-20-25» باعدارلاماسى جايلى كەڭىرەك مالىمەتتەر ۇسىنادى.

قازاقستان ۇلتتىق بانكىنىڭ مالىمەتىنشە، «7-20-25» يپوتەكالىق تۇرعىن ءۇي باعدارلاماسىن ىسكە اسىرۋ شەڭبەرىندە 2019-جىلدىڭ 30- تامىزداعى جاعداي بويىنشا 198 ميلليارد تەڭگەگە 17532 ءوتىنىش قابىلداندى. ونىڭ ىشىندە جالپى سوماسى 118 ميلليارد تەڭگەگە 10306 ءوتىنىش ماقۇلدانعان.

باعدارلاما قازاقستان رەسپۋبليكاسىنىڭ تۇڭعىش پرەزيدەنتى، ەلباسى نۇرسۇلتان نازاربايەۆتىڭ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىندە ايتىلعان «ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» ءبىرىنشى باستاماسىنىڭ مىندەتتەرىن ىسكە اسىرۋ اياسىندا ازىرلەندى.

«7-20-25» - ءاربىر قازاقستاندىق ءۇشىن قولجەتىمدى نەسيە بەرۋ شارتتارىمەن تۇرعىن ءۇي جاعدايلارىن جاقسارتۋعا جاڭا مۇمكىندىكتەر بەرەدى.

باعدارلاما ەلىمىزدە تۇڭعىش رەت قۇرىلىس سالۋشىنىڭ تەك باستاپقى نارىعىنا ەسەپتەلگەن تۇرعىن ۇيلەردى قاراستىرادى، جانە ونى باعدارلاما قاتىسۋشىسى ءوزى تاڭداي الادى.

باعدارلامانىڭ وپەراتورى - «باسپانا» يپوتەكالىق ۇيىمى» اكسيونەرلىك قورى.

«7-20-25» باعدارلاماسىنىڭ تيىمدىلىگى نەدە؟

«7-20-25» قازىرگى ۋاقىتتا ەڭ ءتيىمدى يپوتەكالىق باعدارلاما بولىپ تابىلادى. ونىڭ نەسيە بويىنشا پايىزدىق مولشەرلەمەسى 7 پايىزدى قۇرايدى. باستاپقى جارنا مولشەرى تۇرعىن ءۇي قۇنىنىڭ 20 پايىز مولشەرىندە بەلگىلەنەدى. قارىزدى وتەۋ مەرزىمى 25 جىلعا دەيىن ۇلعايتىلدى.

قارىز الۋشىدان قارىزدى بەرۋ جانە قىزمەت كورسەتۋ ءۇشىن كوميسسيا الىنبايدى.

سونداي-اق، قارىز الۋشىنىڭ كەپىل مۇلىگى مەن ءومىرىن ساقتاندىرۋ مىندەتتى ەمەس. ال ساقتاندىرۋ قاجەت بولعان جاعدايدا، بارلىق شىعىنداردى قارىز بەرگەن بانكتىڭ ءوزى كوتەرۋى ءتيىس.

ايتا كەتەرلىگى، قولدانىستاعى يپوتەكالىق نەسيە ونىمدەرىنىڭ ەشقايسىسى بۇنداي نەسيە شارتتارىنا يە بولعان ەمەس.

7-20-25 باعدارلاماسى قالاي جۇمىس ىستەيدى؟

«7-20-25» باعدارلاماسى اياسىندا نەسيە الۋشىلار «باسپانا» يپوتەكالىق ۇيىمىمەن ىنتىماقتاستىق تۋرالى كەلىسىمگە قول قويعان بانك-سەرىكتەستەرگە جۇگىنەدى. ولار: «بانك سەنتركرەديت»، «ەۋرازيالىق بانك»، «ا ت ف بانك»، «سەسنابانك»، «بانك RBK» جانە «قازاقستان حالىق بانكى».

جەكە تۇلعا «7-20-25» باعدارلاماسى بويىنشا قارىز الۋ ءۇشىن مىناداي تالاپتارعا سايكەس كەلۋى ءتيىس:

1. قازاقستان رەسپۋبليكاسىنىڭ ازاماتتىعى؛

2. قازاقستان رەسپۋبليكاسى اۋماعىندا مەنشىك قۇقىعىنداعى تۇرعىن ءۇيىنىڭ بولماۋى؛

3. راستالعان ەڭبەك جانە (نەمەسە) كاسىپكەرلىك قىزمەتتەن الىناتىن كىرىسىنىڭ بولۋى؛

4. يپوتەكالىق تۇرعىن ءۇي قارىزدارى بويىنشا وتەلمەگەن بەرەشەگىنىڭ بولماۋى.

يپوتەكالىق تۇرعىن ءۇي قارىزىن قالاي الۋعا بولادى؟

قارىز الۋشى باستاپقى نارىقتا ساتىپ العىسى كەلەتىن تۇرعىن ءۇيدى (ءۇي/ پاتەر) تابادى، ونى تاعايىندايدى (تاعايىنداۋ شارتتارى ناقتى قۇرىلىس سالۋشىلارمەن بەلگىلەنەدى).

ايتا كەتەيىك، استانا، الماتى، اقتاۋ، اتىراۋ قالالارى ءۇشىن تۇرعىن ءۇيدىڭ ەڭ جوعارعى قۇنى - 25 ميلليون تەڭگە. ال باسقا وڭىرلەر ءۇشىن - 15 ميلليون تەڭگە.

كليەنت بانككە قارىز الۋ ءۇشىن ءوتىنىش بەرەدى جانە بارلىق قاجەتتى قۇجاتتاردى ۇسىنادى. بارلىق قاجەتتى قۇجاتتاردى بانككە تاپسىرعانىن جانە تاعايىنداۋدى ۇزارتاتىنىن (قاجەت بولعان جاعدايدا جانە تاعايىنداۋدى ۇزارتۋ مۇمكىندىگى بولعاندا) قۇرىلىس سالۋشىلارعا حابارلايدى.

بانك قارىز الۋشىنىڭ بارلىق قۇجاتتارىن باعدارلاما شارتتارىنا سايكەستىگىن تەكسەرەدى جانە نەسيەنى ماقۇلدايدى. قارىز الۋشى قۇرىلىس سالۋشىعا كەپىلدەمە حات ۇسىنادى. قۇرىلىس سالۋشى ساتىپ الۋ-ساتۋ شارتىن جاسايدى.

ساتىپ الۋ-ساتۋ شارتى نوتاريۋسپەن كاۋلاندىرىلادى. ساتىپ الىناتىن تۇرعىن ءۇيدىڭ باستاپقى جارناسى قۇرىلىس سالۋشى شوتىنا تولەنەدى. ساتىپ الۋ-ساتۋ شارتى «ازاماتتارعا ارنالعان ۇكىمەت» مەملەكەتتىك كورپوراتسياسى» ح ا ق- ىندا نەمەسە نوتاريۋس ارقىلى (EGOV. KZ- تە ونلاين رەجيمىندە) تىركەلىنەدى. سودان كەيىن تىركەلگەن شارت بانككە بەرىلەدى.

بانك پەن قارىز الۋشى قارىز شارتىنا، تولەمدەر كەستەسىنە، ساتىپ الىنعان تۇرعىن ءۇيدىڭ كەپىل شارتىنا قول قويادى. ساتىپ الىنعان تۇرعىن ءۇيدىڭ كەپىل شارتى «ازاماتتارعا ارنالعان ۇكىمەت» مەملەكەتتىك كورپوراتسياسى» ح ا ق- ىندا نەمەسە نوتاريۋس ارقىلى (EGOV. KZ- تە ونلاين رەجيمىندە) تىركەلىنەدى. شارت تىركەلگەننەن كەيىن، بانك قارىز سوماسىن قۇرىلىس سالۋشىعا اۋدارادى.

اتالعان ارەكەتتەر ورىندالعاننان كەيىن كليەنت جاڭا ۇيگە قونىستانادى.

«7-20-25» باعدارلاماسى بويىنشا ءبىر جىل ىشىندە 100 ميلليارد تەڭگە نەسيە بەرىلدى

2019-جىلعى 4- شىلدەدە «باسپانا» يپوتەكالىق ۇيىمىنىڭ باسپا ءسوز قىزمەتى «7-20-25» باعدارلاماسى بويىنشا بەرىلگەن نەسيە كولەمى 100 ميلليارد تەڭگەدەن اسقانىن حابارلادى.

«7-20-25» باعدارلاماسى بويىنشا جالپى قۇنى 101,9 ميلليارد تەڭگە بولاتىن يپوتەكالىق نەسيە ماقۇلداندى. بۇل قازاقستان بويىنشا 8844 وتباسى ءتيىمدى شارتتارمەن باسپاناعا قول جەتكىزدى دەگەن ءسوز»، - دەپ مالىمدەدى ۇيىمنىڭ باسپا ءسوز قىزمەتى.

جىلجىمايتىن مۇلىك سالاسىنىڭ ساراپشىلارى مالىمدەگەندەي، بۇل قازىرگى تاڭدا كەز كەلگەن قازاقستان ازاماتىنا جىلىنا 7 پايىز مولشەرلەمەمەن 20 جىل مەرزىمگە پاتەر الۋعا مۇمكىندىك بەرەتىن ەڭ ءتيىمدى باعدارلاما بولىپ وتىر.

«باسپانا» ۇيىمىنىڭ حابارلاۋىنشا، اتالعان باعدارلاما الماتى مەن نۇر-سۇلتان قالالارىندا بەلسەندى جۇرگىزىلىپ كەلەدى. ماسەلەن، قازاقستاندا بەرىلگەن بارلىق نەسيەلەردىڭ 51 پايىزى الماتىلىقتار مەن استانالىقتاردىڭ ۇلەسىندە.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات