دانيار اقىشيەۆ: «نۇرلى جەر» ارقىلى سالىنعان ۇيلەر «7-20-25» باعدارلاماسىمەن ساتىلۋى مۇمكىن

None
None
استانا. قازاقپارات - «نۇرلى جەر» ارقىلى سالىنعان ۇيلەر «7-20-25» باعدارلاماسىمەن ساتىلۋى مۇمكىن.

بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر ۇلتتىق بانكى ءتوراعاسى دانيار اقىشيەۆ ءمالىم ەتتى،  دەپ حابارلايدى قازاقپارات ءتىلشىسى.

«تۇرعىن ءۇي ۇسىنىسىن ۇلعايتۋ ءۇشىن ۇلتتىق بانك جەرگىلىكتى اتقارۋشى ورگانداردىڭ «باسپانا» كومپانياسىنىڭ 150 ميلليارد تەڭگەگە دەيىن سوماداعى وبليگاتسيالارىن نارىقتىق تالاپتارمەن ساتىپ الۋعا رۇقسات بەردى. بۇگىندە بۇل تەتىكتى شىمكەنت قالاسىنىڭ اكىمدىگى عانا 10 ميلليارد تەڭگە مولشەرىندە پايدالاندى. «باسپانا» ۇيىمىنان قارجىلاندىرۋ تارتۋ قۇقىعىن باسقا اكىمدەرگە بەرۋ مۇمكىندىگىن قاراستىرۋ قاجەت»، - دەدى دانيار اقىشيەۆ.

ونىڭ اتاپ وتۋىنشە، باعدارلامانى جانداندىرۋ ءۇشىن 2018 -جىلعى جەلتوقساندا مەملەكەتتىك تۇرعىن ءۇي باعدارلامالارىنا وزگەرىستەر ەنگىزىلدى.

 «نۇرلى جەر» باعدارلاماسى بويىنشا سالىنعان ۇيلەر تۇرعىن ءۇي قۇرىلىس جيناق بانكى ارقىلى سالىمشىلار مەن كەزەكتە تۇرعاندارعا جانە بارلىق ازاماتتارعا «7-20-25» باعدارلاماسى بويىنشا يپوتەكالىق قارىزدار ارقىلى ساتىلۋى مۇمكىن»، - دەدى بانك باسشىسى.

اۆتور: مارلان جيەمباي

سوڭعى جاڭالىقتار