استاناعا جاقىن ايماقتاردا «7-20-25» باعدارلاماسى بويىنشا يپوتەكانىڭ شەكتى باعاسى كوتەرىلدى

None
None
استانا. قازاقپارات - ق ر ۇلتتىق بانكىنىڭ ءتوراعاسى دانيار اقىشيەۆ «7-20-25» باعدارلاماسىن ىسكە اسىرۋ بارىسى تۋرالى ايتىپ بەردى، دەپ حابارلايدى قازاقپارات.

 باس بانكيردىڭ ايتۋىنشا، باعدارلاماعا ءبىرقاتار وزگەرىستەر ەنگىزىلدى. ماسەلەن، شىمكەنت رەسپۋبليكالىق ماڭىزى بار قالا دارەجەسىن العاننان كەيىن ول جەردە «7-20-25» - ءتىڭ شەكتى سوماسى 25 ميلليون تەڭگەگە دەيىن كوتەرىلدى. بۇدان بولەك، استانا مەن الماتى قالالارىنا جاقىن ايماقتاردا يپوتەكانىڭ سوماسى تۋرا سولاي جوعارىلادى.

«ءبىراق باعدارلاما ازاماتتارىمىزدىڭ ماسىلدىعىن جاساماۋى ءتيىس. باعدارلاما ستاۆكاسى تومەن، ال كرەديت بەرۋ مەرزىمى ۇزاق، الەۋمەتتىك باعىتتاعى باعدارلاما بولىپ تابىلادى. ءبىراق ول يپوتەكا بولىپ قالا بەرەدى. بۇل كرەديتتى تولەۋ ءۇشىن رەسمي راستالعان كىرىس بولۋ كەرەك دەگەندى بىلدىرەدى. مىسالى، قۇنى 10 ميلليون تەڭگەنىڭ پاتەرىن ساتىپ الۋ ءۇشىن 2 ميلليون تەڭگە مولشەرىندە باستاپقى جارنا قاجەت. اي سايىنعى تولەم 57 مىڭ تەڭگە بولادى. تيىسىنشە، بانكتىڭ ماقىلداۋىن الۋ ءۇشىن ازاماتتىڭ اي سايىنعى كىرىسى، شامامەن، 120 مىڭ تەڭگە بولۋعا ءتيىس. سەبەبى «كرەديت بويىنشا بورىش كولەمى كىرىستىڭ جارتىسىنان اسپاۋى ءتيىس» دەگەن ەرەجە بار. سوندىقتان حالىقتىڭ تولەم جاساۋعا قابىلەتتى بولۋى باعدارلامانىڭ ءساتتى ىسكە اسىرىلۋ فاكتورلارىنىڭ ءبىرى بولىپ تابىلادى»، - دەدى د. اقىشيەۆ ۇكىمەتتىڭ بۇگىنگى وتىرىسىندا.

 ايتا كەتەيىك، بۇگىن مينيسترلەر كابينەتى پرەزيدەنتتىڭ بەس الەۋمەتتىك باستاماسىن ىسكە اسىرۋ بارىسىن قارادى. سونىڭ اياسىندا ق ر ءبىلىم جانە عىلىم ءمينيسترى ەرلان ساعاديەۆ ۇلتتىق ءبىرىڭعاي تەستىلەۋگە قاتىستى وزگەرىستەردى جاريالادى. ال ۇكىمەت باسشىسى باقىتجان ساعىنتايەۆ ستۋدەنتتىك جاتاقحانالاردىڭ قۇرىلىسىن ۇزاققا سوزباۋدى تاپسىردى.

اۆتور: ارمان اسقاروۆ

سوڭعى جاڭالىقتار