جاڭا باعدارلاما «7-20-25»: وڭىرلەردە باسپانا قۇنى قانشا؟
«نەسيەلەر 25 جىلعا دەيىنگى مەرزىمگە بەرىلەدى. استانا، الماتى، اقتاۋ، اتىراۋ، سونداي-اق شىمكەنتتە حالىقتى نەسيەلەندىرۋدىڭ شەكتى سوماسى 20 ميلليون تەڭگەگە دەيىن. بۇگىندە اتالعان قالالاردا نەسيەنى الۋدىڭ ورتاشا مولشەرى شامامەن 12 ميلليون 800 مىڭ تەڭگەنى قۇرادى. سايكەسىنشە، اي سايىنعى تولەم 85-90 مىڭ تەڭگەگە تەڭ»، - دەپ توقتالدى مينيستر ورتالىق كوممۋنيكاتسيالار قىزمەتىندە.
ونىڭ سوزىنە قاراعاندا، قالعان وڭىرلەردە نەسيە سوماسى 12 ميلليون تەڭگەگە دەيىنگى كولەمدە. بۇل ايماقتاردا وتكەن ەكى ايدا ازاماتتار ورتاشا ەسەپپەن 9 ميلليون تەڭگەدەن الىپ، اي سايىن 63 مىڭ تەڭگەدەن تولەپ وتىر.
«باسپانا» يپوتەكالىق ۇيىمىنىڭ مالىمەتى بويىنشا، باعدارلاما باستالعالى تەك ەكى ايدا قاتىسۋشى بانكتەرگە يپوتەكا الۋعا 2562 ءوتىنىم كەلىپ ءتۇستى. ونىڭ ىشىندە بۇگىندە جالپى 20 ميلليارد تەنگەدەن استام سوماعا 1695 يپوتەكالىق قارىز بەرۋگە قولداۋ جاسالدى. قالعان وتىنىمدەر بانكتەردىڭ قاراۋىندا جاتىر. بۇگىندە بۇل ترەند كۇشەيىپ كەلەدى، ياعني وتىنىمدەر سانى كۇن سايىن ارتۋدا»، - دەدى مينيستر.