جاڭا باعدارلا «7-20-25»: پاتەر الۋشىلاردىڭ سانى كۇرت ءوستى

استانا. قازاقپارات - ۇكىمەتتە ق ر ۇلتتىق بانكى ءتوراعاسىنىڭ ورىنباسارى ولەگ سمولياكوۆ «7-20-25» باعدارلاماسىن جۇزەگە اسىرۋ بارىسى تۋرالى باياندادى، دەپ حابارلايدى قازاقپارات.

«شىلدەدە «7-20-25» باعدارلاماسى باستالدى. ءبىر ايدىڭ ىشىندە 4,8 ميلليارد تەڭگەنىڭ زايمى ماقۇلداندى. سونىمەن بىرگە، بۇل باعىتتاعى قارقىن ەلەۋلى تۇردە ارتىپ كەلەدى»، - دەدى ول.

ونىڭ سوزىنە قاراعاندا، تامىزدىڭ تەك ءبىرىنشى ون كۇندىگىندەگى قارجى بيىلعى شىلدە ايىنداعى كورسەتكىشپەن سالىستىرمالى بولىپ وتىر.

«ناتيجەسىندە، 10- تامىزداعى جاعداي بويىنشا بەرىلگەن وتىنىمدەر سانى 1330 عا جەتىپ، جالپى كولەمى 15,5 ميلليارد تەڭگەنى قۇرادى. جالپى العاندا، 9,8 ميلليارد تەڭگە ماقۇلدانىپ، اتالعان باعدارلاما اياسىندا 3,6 ميلليارد تەڭگە سوماسىندا نەسيە بەرىلدى»، - دەدى و. سمولياكوۆ.