پاۆلودارلىقتاردان «7-20-25» باعدارلاماسى بويىنشا بىردە-ءبىر ءوتىنىش تۇسپەگەن
بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا «قازاقستان تۇرعىن ءۇي قۇرىلىس جيناق بانكى» ا ق پاۆلودار وبلىستىق فيليالىنىڭ ديرەكتورى تالعات بايلوۆ ايتتى، دەپ حابارلايدى قازاقپارات pavlodarnews.kz سايتىنا سىلتەمە جاساپ.
«اتالمىش باعدارلاما اياسىندا بۇگىنگى كۇنگە دەيىن بىردە-ءبىر ءوتىنىش تۇسكەن جوق. دەگەنمەن، وتىنىشتەردى قابىلداۋعا دايىنبىز»، - دەدى تالعات بايلوۆ.
اتاپ وتىلگەندەي، BASPANA. KZ پورتالى ارقىلى تەگىن ءوتىنىش بەرىپ، ەلىمىز بويىنشا كەز كەلگەن وڭىردەن پاتەر تاڭداۋعا بولادى. قاجەتتى قۇجاتتار ءتىزىمى تۇرعىن ءۇي قۇرىلىس جيناق بانكىنىڭ سايتىندا كورسەتىلگەن.
«پاۆلوداردا اباي كوشەسى، 75، ەكىباستۇزدا سترويتەلنايا كوشەسى، 80 مەكەنجايى بويىنشا جانە اقسۋ قالاسىندا «استانا» ساۋدا ۇيىندە مەنەدجەرلەر جۇمىس ىستەيدى. سونداي-اق، وبلىس بويىنشا بانكتىڭ شتاتتان تىس 60 كەڭەسشىسى بار»، - دەيدى ول.
«7-20-25» باعدارلاماسى اياسىندا ساتىپ الىناتىن باسپانا قولدانىسقا ەنگىزىلىگەن ءارى ءبىرىنشى نارىقتاعى ءۇي بولۋى ءتيىس. مۇنداي نىساندار پاۆلودار قالاسى بويىنشا تاۋەلسىزدىك داڭعىلى جانە سۋۆوروۆ كوشەسىندە، سونداي-اق ەكىباستۇز قالاسىندا بار. قارىزعا بەرىلەتىن ەڭ جوعارى سوما 15 ميلليون تەڭگەنى قۇرايدى. ەگەر دە تۇرعىن ءۇيدىڭ باعاسى ودان جوعارى بولعان جاعدايدا باسپانا الۋشى ۇستىنەن ءوزى قاراجات قوسا الادى. ياعني، 20 پايىز العاشقى جارنانىڭ ۇستىنە 12 ميلليون تەڭگەنى بانك ۇسىنادى.