جاڭا «7-20-25» باعدارلاماسىندا يپوتەكالىق زايمدى مەرزىمىنەن بۇرىن جابۋعا بولا ما؟
«قازىرگى كەزدە باعدارلامانىڭ نەگىزگى پارامەترلەرى ازىرلەندى. سوندىقتان زايم مەرزىمى 25 جىل بولىپ ايقىندالدى، الايدا قارىز الۋشى زايمدى مەرزىمىنەن بۇرىن جاپقىسى كەلسە، بۇل ونىڭ جەكە قۇقىعى. ول ءۇشىن زايىمدى جابۋعا ءوتىنىم جازۋى ءتيىس»، - دەدى الەكساندر تەرەنتيەۆ سەناتتىڭ جالپى وتىرىسىنان كەيىن «قازاقپارات» تىلشىسىنە.
ونىڭ سوزىنە قاراعاندا، ەگەر دە كەپىل سوماسى 20 پايىزدان اساتىن بولسا، بۇل تۇرعىدا ەشقانداي پروبلەما تۋىندامايدى.
سونىمەن قاتار ول ۋاقىت وتە كەلە باعدارلاما اياسىندا قانداي دا ءبىر تۇزەتۋلەر ەنگىزىلۋى مۇمكىن ەكەنىن جەتكىزدى.
«ەگەر دە قارىز الۋشى قوماقتى سومادا قارجى سالاتىن بولسا، ارينە، وعان وسىنداي قادام جاساۋعا ەشقانداي كەدەرگى تۋىندامايدى»، - دەپ ءتۇسىندىردى تەرەنتيەۆ.
ءسوز سوڭىندا ول قازىرگى كەزدە ارنايى قۇرىلعان كومپانيا ەكىنشى دەڭگەيلى بانكتەرمەن شارتتاردى بەكىتۋگە كىرىسكەنىن اتاپ ءوتتى. اتالعان قۇجاتتار تولىق راسىمدەلگەننەن كەيىن، ادامدار بانكتەرگە وتىنىمدەرىن جاساي الادى.