+7 (701) 759 90 19 Лента
12 °С : استانا
19 °С : الماتى
USD 359.00 EUR 420.10
RUB 5.41 CNY 52.38
جاڭالىقتار

دانيار اقىشەۆ «7-20-25» باعدارلاماسىن ىسكە قوسۋ مەرزىمىن ناقتىلادى

14 ماۋسىم 14:54 751
:ءبولىسۋ
دانيار اقىشەۆ «7-20-25» باعدارلاماسىن ىسكە قوسۋ مەرزىمىن ناقتىلادى

استانا. قازاقپارات - «7-20-25» باعدارلاماسىنىڭ جوباسى ازىرلەندى. ەندى ول جاقىن ارادا ق ر ۇلتتىق بانكىنىڭ رەسمي ينتەرنەت-رەسۋرسىندا جاريالانادى.

بۇل تۋرالى پارلامەنت سەناتىندا تىلشىلەرگە ۇلتتىق بانك ءتوراعاسى دانيار اقىشەۆ ءمالىم ەتتى، دەپ حابارلايدى قازاقپارات.

ونىڭ اتاپ وتۋىنشە، باعدارلاما بيىلدىڭ ەكىنشى جارتىجىلدىعىندا ىسكە قوسىلادى. ۇلتتىق بانك تاراپىنان قاجەتتى ينفراقۇرىلىم قۇرىلىپ، جاڭا يپوتەكالىق باعدارلامانىڭ وپەراتورى قىزمەت ەتەدى. وسى ورايدا «باسپانا» يپوتەكالىق ۇيىمى» ا ق ەنشىلەس ۇيىمى دا جۇمىس ىستەپ جاتىر.

«بۇل كومپانيا وبليگاتسيالار شىعارادى جانە تارتىلعان قاراجات ەسەبىنەن بانكتەردەن 1 تريلليون تەڭگەگە دەيىنگى كولەمدە قارىزداردى ساتىپ الادى. قازىرگى ۋاقىتتا ۇيىم ءوزارا ءىس-قيمىل جاساۋدىڭ تەحنيكالىق ماسەلەلەرىن ءىس جۇزىندە ىسكە اسىرۋدى تالقىلاۋ ءۇشىن بانكتەرمەن تىعىز ءوزارا ءىس-قيمىل جاساۋدا»، - دەدى د. اقىشەۆ.

ونىڭ سوزىنە قاراعاندا، بۇرىن-سوڭدى بولماعان تالاپتاردى ۇسىنىپ وتىرىپ باعدارلامانى الەۋەتتى قارىز الۋشىلار ەشبىر جاعدايدا مەملەكەتتىڭ وتەۋسىز كومەگى رەتىندە قابىلداماۋعا ءتيىس ەكەنىن اتاپ ءوتتى.

«قارىز الۋشىلار تاراپىنان دا، بانكتەر تاراپىنان دا تولەم قابىلەتىنىڭ بولۋى جانە ءادىل نارىقتىق قاعيداتتاردى قاتاڭ ساقتاۋ جاڭا يپوتەكالىق باعدارلامانىڭ نەگىزى بولادى. قارىز الۋشىدا %20 مولشەرىندەگى باستاپقى جارنانىڭ بولۋى - باعدارلاماداعى نەگىزگى تالاپتارىنىڭ ءبىرى. بۇدان باسقا، الەۋەتتى قارىز الۋشىلاردىڭ مۇنداي جارنانى بانككە بەرۋى ولارعا الىناتىن قارىزدىڭ ەڭ از مولشەرىن قامتاماسىز ەتەتىنىن، دەمەك قارىز بويىنشا پايىزدىق شىعىستار دا از بولاتىنىن تۇسىنگەنى ماڭىزدى»، - دەپ ءتۇسىندىردى اقىشەۆ.


:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات