+7 (701) 759 90 19 Лента
20 °С : استانا
20 °С : الماتى
USD 328.31 EUR 386.62
RUB 5.27 CNY 51.49
جاڭالىقتار

ق ر ۇلتتىق بانكى 7-20-25 باعدارلاماسىنىڭ نەگىزگى باعىتتارىن بەكىتتى

18 مامىر 13:19 245
:ءبولىسۋ
ق ر ۇلتتىق بانكى 7-20-25 باعدارلاماسىنىڭ نەگىزگى باعىتتارىن بەكىتتى

استانا. قازاقپارات - مامىر ايىنىڭ سوڭىنا دەيىن ق ر ۇلتتىق بانكى «7-20-25» باعدارلاماسىنىڭ نەگىزگى باعىتتارىن بەكىتەدى.

بۇل تۋرالى ق ر ۇلتتىق بانكى ءتوراعاسىنىڭ ورىنباسارى ولەگ سمولياكوۆ ءمالىم ەتتى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ يپوتەكانى قولجەتىمدى ەتۋ بويىنشا ءبىرىنشى الەۋمەتتىك باستاماسى باعدارلاماسىن بەكىتۋگە دايىنبىز. مامىر ايىندا اتالعان باعدارلامانىڭ بازالىق ەرەجەسىن قابىلداۋ جوسپارلانعان»، - دەدى و. سمولياكوۆ سەناتتا وتكەن دوڭگەلەك ۇستەلدە.

سونىمەن بىرگە، ۇلتتىق بانك وكىلى باعدارلامانىڭ قۇرىلىمى تۋرالى اڭگىمەلەپ بەردى.

«باعدارلاما 7 پروتسەنتتىك مولشەرلەمەدەن، 20 پروتسەنتتەن اسپايتىن باستاپقى جارنادان جانە 25 جىلعا دەيىنگى نەسيە مەرزىمىنەن قۇرالعان. مۇنداعى نەگىزگى قاعيدا - مولشەرلەمەنىڭ كوبەيتىلمەۋى، ياعني قارىزدى بەرۋدە، قىزمەت كورسەتۋدە ەشقانداي كوميسسيا الىنبايدى. باستى تالاپ - رەسمي كىرىس كوزىنىڭ بولۋى، ەڭبەك نەمەسە كاسىپكەرلىك قىزمەتىنىڭ راستالۋى. ول ءۇشىن سالىق ورگاندارىنىڭ نەمەسە ب ج ز ق انىقتاماسىن اكەلۋگە بولادى. ياعني، بۇل باعدارلاما مەملەكەتتىك قىزمەتكەرلەرگە دە، كاسىپكەرلەرگە دە ارنالعان»، - دەپ ءتۇسىندىردى ول.

«نۇرلى جەر» باعدارلاماسىمەن باسپانا بەرۋدە ءۇي سالۋشىلار نەمەسە اگەنتتەن تىكەلەي ساتىپ الىناتىن جاڭا باسپانالارعا باسىمدىق بەرىلەدى.

«ءبىزدىڭ ويىمىزشا، باعدارلامانىڭ الەۋەتى زور - بەس جىلدا شامامەن تريلليون تەڭگە اينالىمعا تۇسەدى. جىلىنا شامامەن 200 ميلليارد تەڭگە جاڭا يپوتەكالىق نەسيەلەر راسىمدەلەدى»، - دەيدى ولەگ سمولياكوۆ.

بۇعان دەيىن «7-20-25» باعدارلاماسىنىڭ 2018-جىلدىڭ ەكىنشى جارتىسىندا ىسكە قوسىلاتىنى حابارلانعان ەدى.

اۆتور: ايجان سەرىكجان قىزى


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات